Veiði

Nokkur óvissa með erlenda veiðimenn 2021

Karl Lúðvíksson skrifar
Laxatorfa

Veiðisumarið 2020 er nú senn á enda og Íslenskir veiðimenn eru þegar farnir að festa sér daga í ánum sínum næsta sumar.

Því er aðeins öðruvísi farið með erlenda veiðimenn þó og er það ekkert skrítið í ljósi stöðunnar í heiminum í Covid faraldri. Það var nokkuð um að erlendir veiðimenn sem áttu bókað í veiði á Íslandi í sumar hefðu ekki komist til landsins og í einhverjum tilfellum einfaldlega ákveðið að koma ekki. Staðan fyrir næsta sumar þó svo að langt sé í veiðina 2021 er þannig að í einhverjum tilfellum eru veiðimenn tilbúnir að staðfesta dagana sína en ekki borga fyrr en það skýrist betur hver staðan verður.

Þetta er samt ekki svona í öllum ánum. Við höfum alveg staðfestar heimildir fyrir því að þeir sem eiga top daga í einni af bestu laxveiðiá landsins ætla að borga og bóka. Þessir veiðimenn mættu til landsins í sumar, fóru í gegnum skimun og síðan í ánna að veiða. Íslenskir veiðimenn voru ansi duglegir að taka þá daga sem fóru aftur í sölu í sumar en það hafði að vísu líka mikil áhrif að verðið fór niður víða í kjölfarið og það var verið að bjóða lausa daga á tilboði alveg fram á síðasta dag veiðitímans.

Eins og staðan er þá er einfaldlega ekki hægt að fullyrða hver staðan verður næsta sumar, hvernig verður staðið að skimun, verður komið bóluefni eða verður veiran ennþá í fullum gangi eða horfin? það sem þarf að eiga sér stað, og þetta er þegar farið af stað víða milli leigutaka og landeigenda, er samtal um að bregðast við þessu eða í það minnsta vera undir það búnir að ástandið batni ekki.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.