Sorglega subbuleg starfsemi

Örn Sverrisson skrifar 6. október 2020 12:45

Flest okkar ef ekki öll hafa heyrt um Covid 19, hvað það er og hvernig hægt er að minnka mikið hættu á smiti. Hert hefur verið á sóttvörnum, við enn og aftur upplýst um hættur, smitleiðir og afleiðingar og beðin um að fara varlega.

Eitthvað hefur samt Covid 19 farið framhjá stoltum eigendum Íslandsspila eða er græðgin svona mikil. Mánudagskvöldið 5. okt. voru allir spilakassar Íslandsspila í sjoppum opnir. Til hvers? Jú, stoltir eigendur Íslandsspila vita að spilafíklar spila líka í Covid.

Rauði krossinn, Landsbjörg og SÁÁ eru STOLTIR eigendur Íslandsspila eins og formaður Landsbjargar sagði í útvarpsviðtali í vor.

Að vera stoltur eigandi að svona sorglega subbulegri starfssemi sem hefur ekki vilja til að vera þátttakandi í sóttvörnum án þess að þurfa bann frá yfirvöldum er bara aumkunarvert.

Höfundi er annt um velferð spilafíkla.

Viltu birta grein á Vísi? Sendu okkur póst.

Senda grein

Fjárhættuspil

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.