Veiði

Fanta sjóbirtingsveiði í Tungufljóti

Karl Lúðvíksson skrifar
Kristján Páll Rafnson hjá Fish Partner með einn vænann
Kristján Páll Rafnson hjá Fish Partner með einn vænann

Sjóbirtingsveiðin í Tungufljóti í Skaftárhreppi hefur verið eins og von er til fanta góð þetta haustið og það eru vænir birtingar sem eru að koma á land.

Það er Fish Partner sem selur leyfin í Tungufljót og það er greinilega mikil ásókn í svæðið því það er uppselt það sem eftir lifir tímabilsins. "Eini möguleikinn er sá að erlendir veiðimenn sem eiga bókað  komist ekki í dagana sína en eins og staðan er núna eru þeir allir að stefna á að koma" segir Kristján Páll Rafnsson í samtali við Veiðivísi. "Það er búið að ganga mjög vel þrátt fyrir að veður hafi oft verið rystjótt en hollið um helgina fékk 36 fiska, þar af eina tuttugu punda hrygnu sem var mæld 91 sm. Hún var alveg hnöttótt! Já og svo veiddist eitt stígvél. Stígvél nr 44 ef einhver saknar þess má sá hinn sami hafa samband og vitja þess til okkar" bætti Kristján við.

Sindri Hlíðar með flottan birting úr Tungufljóti

Veitt er til 20. október í Tungufljóti og besti tíminn er oft þegar sá mánuður gengur í garð. Á meðan veður helst þokkalegt og ekki mikið frost herjar á veiðimenn getur veiðin verið alveg frábær út tímabilið.

Stígvélið góða sem veiddist í Tungufljóti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.