Atvinnulíf

Sprotar með miðasölu fyrir íþróttafélög, sölusíðu fyrir veiðileyfi, myndgreiningartækni og fækkun spítalasýkinga

Rakel Sveinsdóttir skrifar
Lyuba Kharitonova, einn þátttakenda Startup SuperNova 2020.
Lyuba Kharitonova, einn þátttakenda Startup SuperNova 2020.

Fyrr í mánuðinum kynntu tíu sprotafyrirtæki hugmyndir sínar á fjárfestadegi Startup SuperNova. Fjárfestadagurinn var í beinni útsendingu á netinu en þetta er einn vinsælasti viðburður ársins í sprotaumhverfinu.

Um helgina hefur Vísir birt myndbönd af kynningum sprotafyrirtækjanna sem tóku þátt í fjárfestadegi Startup SuperNova 2020. Hér má sjá kynningar sprota með miðasölu fyrir íþróttafélög, sölusíðu fyrir veiðileyfi og íslenska myndgreiningartækni. 

Af þeim tíu fyrirtækjum sem tóku þátt í fjárfestadeginum 2020 var eitt fyrirtæki ekki með hefðbundna kynningu á sviði heldur er áhugasömum fjárfestum boðið til sérstakrar kynningar hjá þeim. Þetta er fyrirtækið SaniVisionAI sem vinnur að því að fækka spítalasýkingum.

Stubbur

Vettvangur fyrir íþróttafélög til að selja miða, hámarka sölu á meðan viðburðum stendur ásamt betri tengingu við stuðningsmenn.

Veiðiland

Veiðiland er sölusíða fyrir veiðileyfi og veiðiferðir í ám, vötnum og bátum út um allan heim. Síðan mun innihalda sölu á leyfum, búnaði, teningar við bílaleigur, tengingar við hótel og annað efni tengt veiði og veiðiferðum.

Vidcove

Vidcove nýtir íslenska myndgreiningartækni til að gera öll myndræn gögn fyrirtækja og stofnana leitanleg.

SaniVisionAI

Með nýjum aðferðum og nálgunum er markmiðið að fækka spítalasýkingum með því að færa tæknina inní fjórðu iðnbyltinguna.

SaniVision AI var ekki með hefðbundna kynningu á fjárfestadeginum en bjóða þess í stað upp á sérkynningar fyrir áhugasama fjárfesta.

Þau tíu fyrirtæki sem kynntu hugmyndir sínar á fjárfestadeginum voru valin úr hópi 120 umsókna. Við val þeirra var sérstaklega horft til viðskiptahugmynda sem ætlaðar eru á alþjóðamarkað.

Sprotafyrirtækin hlutu eina milljón króna í fjárstyrk auk þess að fá aðgengi að vinnuaðstöðu í Grósku í Vísindagörðum, fræðslu, þjálfun og ráðgjöf frá frumkvöðlum, fjárfestum og öðrum sérfræðingum.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.