Veiði

Mikið af sjóbirting í Varmá

Karl Lúðvíksson skrifar
Sjóbirtingur
Sjóbirtingur

Varmá gleymist oft hjá veiðimönnum sem eru að hugsa sér til hreyfings í haustveiðinni sem er skrítið því það er frábær tími í ánni.

Þessi litla á sem líklega allir Íslendingar hafa ekið yfir á leið sinni austur fyrir fjall hefur á síðustu árum heldur betur tekið við sér og þeir sem hafa gengið með ánni í ágúst hafa alveg tekið eftir því. Það hefur verið mikið af minni sjóbirting stökkva við fossinn og núna þegar liðið hefur á haustið hafa stærri fiskar verið að sjást þar,

Á neðri hlutanum eru nokkrir af gjöfulustu veiðistöðunum og þeir geta geymt ansi mikið af birting sem erfitt er að sjá. Besti tíminn að margra mati er einmitt núna í september þegar það er búið að rigna vel og áin í góðu vatni, jafn vel oft talin best þegar hún bólgnar aðeins upp. Þarna er auðvelt aðgengi, fullt af flottum veiðistöðum og veiðileyfin kosta lítið. Er hægt að biðja um meira?



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.