Veiði

Gott stórfiskaskot í Kleifarvatni

Karl Lúðvíksson skrifar
Kleifarvatn í ljósaskiptunum.
Kleifarvatn í ljósaskiptunum. Mynd: www.veidikortid.is

Það er víðar að veiðast urriði en við Þingvallavatn þessa dagana og eitt af þeim vötnum sem oft kemur á óvart er Kleifarvatn.

Það er þó ekki allra að hafa þolinmæðina sem þarf til að ganga vel við vatnið en ef þú ert búinn að þola það að fara í nokkur skipti í vor uppá Þingvelli án þess að verða var ertu kannski í ágætri æfingu. Það er nefnilega eitt sem gleymist að nefna varðandi góðann árangur í urriðaveiði í þessum vötnum á vorin en það er mikil ástundin. Þú þarft að vera tilbúinn til að fara dálítið oft áður en bingókvöldið brestur á. Alla vega svona yfirleitt.

Það eru nokkrir sem halda sérstöku ástfóstri við Kleifarvatn og ekki að ástæðulausu. Nokkrir veiðimenn hafa nefnilega verið að gera ágæt kvöld við vatnið síðustu sólardagana en skilyrðin sem eru einmitt sögð vera best eru kvöldin á björtum dögum milli tíu á kvöldin og fram til eitt eða jafnvel tvö um nóttina. Þá fyrst er urriðinn í vatninu að koma upp úr dýpinu. 

Það voru nokkrir að veiða við vatnið í gær og við vitum alla vega af einum veiðimanni sem fékk líklega eina átta eða níu urriða mjög seint í gærkvöldi. Sá stærsti um 70 sm en hinir flestir millil 50 og 60 sm. Allir komu þeir á stórar straumflugur sem voru veiddar djúpt og á hröðu strippi. Einhverjir hafa líka verið að fá fisk á spúna sem og beitu. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.