Bílar

Tesla ætlar að framleiða Model 3 hlaðbak

Kristinn Ásgeir Gylfason skrifar
Model 3 var auglýst sem ódýrari fólksbíll en Tesla hafði áður framleitt. Nú stendur til að framleiða enn ódýrari bíla.
Model 3 var auglýst sem ódýrari fólksbíll en Tesla hafði áður framleitt. Nú stendur til að framleiða enn ódýrari bíla. Vísir/EPA

Tesla ætlar að framleiða Model 3 hlaðbak sem á að verða ódýrari og auka umsvif Tesla á heimsmarkaði. Eins hlaðbakurinn að vera andsvar við tilraunum eldri bílaframleiðenda til að keppa við Tesla samkvæmt Elon Musk, framkvæmdastjóra Tesla.

Talið er líklegt að bíllinn verði fyrst og fremst miðaður að Evrópu. Þá er hann talinn líklegur til að vera endurhannaður Model 3 og að hann verði framleiddur í nýrri verksmiðju Telsa rétt utan við Berlín í Þýskalandi.

Haft er eftir Musk af fundi með fjárfestum og greiningaraðilum að bílar framleiðandans verði að vera ódýrari.

Elon Musk, stofnandi Tesla, bindur miklar vonir við Model 3-bíla fyrirtækisins.Getty/Troy Harvey

„Það sem pirrar mig mest um þá stöðu sem við erum í í dag er að bílarnir okkar eru ekki nógu ódýrir. Við verðum að breyta því,“ sagði Musk á fundinum.

Tesla hefur ekki gefið út neinar upplýsingar, til að halda spennu í kynningum framtíðarinnar. Musk hefur hins vegar sagt að „það væri rökrétt að álykta sem svo að við munum framleiða minni bíl af einhverri gerð og stærri bíl af einhverri gerð“.

Cybertruck á ferð og flugi.Tesla

Líklega er þó nokkuð í hlaðbaksútgáfu af Model 3, þar sem Tesla er að fara að hefja framleiðslu á vörubíl, Roadster sportbílnum og Cybertruck. Model 3 hlaðbakur er þó frekar mikilvægur fyrir Tesla til að keppa við Volkswagen ID 3 og Peugeot e-208 hlaðbakana.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×