Veiði

Veiðivísir gefur Veiðikortið á Facebook

Karl Lúðvíksson skrifar

Núna styttist í að vatnaveiðin fari á fullt í sumar og það stefnir í að þetta verði metsumar í veiði þar sem Íslendingar eiga eftir að vera á faraldsfæti innanlands í sumar.

Það er fátt eins skemmtilegt fyrir unga sem aldna að fara saman í veiði og ná sér í silung á grillið. Þeir sem eru aldir upp við slíkar ferðir eiga hugljúfar minningar um fyrsta fiskinn og alla þá sem veiddust eftir það. Við búum í landi þar sem úrval og gnægð veiðivatna er slík að það er pláss fyrir alla og nóg af silung.

Veiði þarf líka ekki að vera dýr. Veiðikortið hefur í mörg ár verið frábær kostur fyrir þá sem vilja vera duglegir í vatnaveiði og borga ansi hóflegt gjald fyrir aðgang að mörgum skemmtilegustu vötnum landsins. Vötnin sem eru meðal annars í Veiðikortinu eru Elliðavatn, Þjóðgarður Þingvallavatns, Vestmannsvatn, Haukadalsvatn, Hraunsfjörður, Urriðavatn, Þveit, Baulárvallavatn, Hólmavatn, Hrepavatn, Skriðuvatn og Vífilstaðavatn svo fá ein séu nefnd. 

Veiðivísir ætlar í samstarfi við Veiðikortið að gefa nokkur Veiðikort til lesenda Veiðivísis og við gerum það þannig að þeir sem eru ekki nýjir vinir Veiðivísis á Facebook geta farið inná síðuna okkar þar og sett svar undir status fyrir leikinn með því svari hvaða vatn er uppáhaldsvatnið þeirra.

Þeir sem eru ekki vinir nú þegar þurfa bara að gera „like“ á síðuna og þá ertu kominn í pottinn.

Við drögum í næstu viku og hlökkum til að sjá ykkur öll við bakkann á ykkar uppáhaldsvatni í sumar.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.