Veiði

Urriðinn mættur við Kárastaði

Karl Lúðvíksson skrifar
Kristján með risavaxinn urriða sem hann veiddi við Kárastaði í gær.
Kristján með risavaxinn urriða sem hann veiddi við Kárastaði í gær.

Það er eins og venjulega á vorinn mikið verið að fylgjast með urriðaveiðum í Þingvallavatni enda fátt sem kemst nálægt þeirri upplifun að setja í stórann urriða.

Því hefur oft verið líst þannig að þegar stóru urriðarnir í Þingvallavatni ráðast á fluguna sé það eins og að kasta flugu við þjóðveginn og festa hana í mótorhjóli sem þeysist framhjá á 100 km hraða. Slíkur er ofsinn þegar flugann er tekinn og fiskurinn rýkur út. Það eru því góðar fréttir fyrir þá sem dreymir um að setja í slíka fiska að helstu svæðin við Þingvallavatn eru eitt af öðru að komast í gang og þar á meðal Kárastaðir en það er greinilegt að urriðinn er farinn að sveima við bakkann þar.

Kristján Páll Rafnson hefur verið nokkuð önnum kafinn síðustu daga við að fylgjast með svæðum sem Fish Partner bjóða uppá við vatnið en þar var frá opnun ís á öllum svæðum sem gerði veiðar ómögulegar. Nú er ís að hopa og svæðin hvert af öðru að detta inn og þar á meðal Kárastaðir. Í stuttu stoppi þar í gær landaði hann þremur rígvænum urriðum. Það má því fara að skoða hvaða dagar eru lausir þarna til að setja í þessi tröll sem þar leynast. Þú finnur lausa daga hjá www.fishpartner.is



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.