Bílar

Bílaleigur nýskráðu 57% minna af bílum í mars

Kristinn Ásgeir Gylfason skrifar
Bílaleigur hafa verið umsfvifamiklir viðskiptavinir bílaumboða í langan tíma.
Bílaleigur hafa verið umsfvifamiklir viðskiptavinir bílaumboða í langan tíma. Vísir/Hanna

Bílaleigur nýskráðu í mars síðastliðnum 211 fólks- og sendibíla en í mars á síðasta ári nýskráðu bílaleigur 486 fólks- og sendibíla. Samdrátturinn nemur því 57%.

Alls voru 1165 fólks- og sendibílar nýskráðir í liðnum marsmánuði. Það er rúmum 5,3% minna en í sama mánuði í fyrra. Samtals hafa verið nýskráðir 2784 fólks- og sendibílar frá áramótum og til loka mars. Það er samdráttur um 327 bíla eða 10,2%.

Nýskráningar bílaleigubíla í mars. Vísir/Samgöngustofa.

Meginmarkaðirnir þrír
Sé litið til meginmarkaðanna þriggja, það er einstaklingsmarkaðar, fyrirtækjamarkaðar og bílaleigumarkaðar, hefur hlutdeild einstaklinga í nýskráningum fólks- og sendibíla vaxið um 23,9% það sem af er árinu. Alls hafa einstaklingar keypt 1.524 nýja fólks- og sendibíla á árinu samanborið við 1.230 á sama tímabili 2019. Fyrirtæki landsins hafa keypt 659 nýja fólks-og sendibíla á árinu. Bílaleigurnar hafa sem áður segir nýskráð 601 fólks- og sendibíl á árinu.

Mikið af nýskráðum Tesla bifreiðum kann að skýra ágæta skráningu í mars þrátt fyrir samkomubann sem ríkti megnið af mánuðinum og harðnandi efnahagsástand sem hefur fylgt COVID-19.


Tengdar fréttir

Aldrei meiri samdráttur í umferðinni

Umferð á höfuðborgarsvæðinu dróst saman um 21 prósent í mars samanborið við mars í fyrra. Þá var samdráttur mestur við Mýrdalssand eða 52,3 prósent.

Tesla mest seldi bíll ársins á Íslandi

Tesla hóf í febrúar afhendingu á fyrstu bílum framleiðandans síðan umboð var formlega opnað hérlendis í lok síðasta árs. Tesla hefur nú nýskráð 396 bíla það sem af er árinu 2020 sem er meira en nokkur annar framleiðandi getur státað af.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.