Bílar

Myndum af nýjum Ford Bronco lekið

Kristinn Ásgeir Gylfason skrifar
Nýr Ford Bronco
Nýr Ford Bronco Vísir/Autocar
Bílaframleiðandinn Ford hefur ekki farið neitt leynt með að vinna að nýrri kynslóð af Ford Bronco. Óvíst er þó hvenær bíllinn verður formlega frumsýndur en myndum af honum hefur verið lekið á netið.



Lekinn virðist koma frá starfsmanni Ford og myndirnar teknar á síma viðkomandi. Á myndunum má sjá bílinn í öllu sínu veldi.



Framendinn ber nafn bílsins „Bronco“ með LED ljósum og breiðum brettaköntum sem passa við breidd dekkjanna.

Afturendinn á Ford Bronco Sport.Vísir/Autocar
Að því er virðist verða tvær gerðir kynntar. Þær eru Bronco og Bronco Sport. Bronco Sport er öllu minni og getgátur höfðu verið uppi um að sú gerð ætti að bera nafnið Maverick, svo virðist þó ekki vera.



Líklega verða bílarnir fáanlegir í tveggja og fjögurra dyra útgáfum. Vélarnar eru líklegast annað hvort 2,3 lítra fjögurra sílendera bensín vél með forþjöppu, eða 2,77 lítra V6 vél með forþjöppu. Bíllinn verður væntanlega fyrst um sinn einungis í boði sjálfskiptur. Beinskipt útgáfa er þó væntanleg síðar og orðrómur er uppi um tvinn-útgáfu.

Framendinn á Ford Bronco Sport.Vísir/Autocar
Væntanlega verður Bronco formlega kynntur í marsmánuði en afhendingar ættu að geta hafist á árinu.


Tengdar fréttir

Afturendanum á BMW M3 G80 lekið

Breskt fyrirtæki (Evolve Automotive) sem sérhæfir sig í að uppfæra og fínstilla BMW bifreiðar svo þær virki sem allra best birti á Facebook síðu sinni mynd af afturendanum á nýjum, væntanlegum BMW M3.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.