Veiði

149 laxa dagur í Eystri Rangá

Karl Lúðvíksson skrifar
Fallegur lax úr Bátsvaðinu í Eystri Rangá
Fallegur lax úr Bátsvaðinu í Eystri Rangá Mynd: www..ranga.is

Veiðin í Eystri Rangá hefur verið alveg ótrúleg síðustu daga en dagurinn í gær toppaði tímabilið hingað til.

Það er ekkert lát á göngum í Eystri Rangá þessa dagana og toppnum á göngunum er líklega ekki náð þar sem það er nóg eftir af tímabilinu. Dagurinn í gær var hreint úr sagt frábær en alls veiddust 149 laxar í ánni. Við heyrðum í einum af þeim veiðimönnum sem var við veiðar og var okkur tjáð að veiðin hefði verið alveg ótrúleg á sumum svæðum og af þeim var líklega svæði 1 best en þar veiddust 31 lax á tvær stangir í gær.

Veiðinni er ennþá aðeins misskipt á milli svæða sem er ekkert óeðlilegt á þessum tíma. Seldir hafa verið stakir dagar og komast veiðimenn þá á tvö svæði. Það er líklega það eina sem einhverjir hafa viljað hafa á annan veg, þ.e.a.s. þriggja tíma skiptingar til að komast betur yfir ánna sem telur alls níu svæði. Það verður spennandi að sjá hvernig tölurnar breytast í Eystri Rangá næstu daga en við spáðum því að hún verði komin yfir 1.000 laxa á mánudaginn og ef þetta mok heldur áfram þá er ljóst að það gæti bara vel ræst.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.