Veiði

Flottar göngur í Elliðaárnar

Karl Lúðvíksson skrifar
Það eru flottar laxagöngur í Elliðaárnar þessa dagana
Það eru flottar laxagöngur í Elliðaárnar þessa dagana Mynd: KL

Það er ekki langt síðan Elliðaárnar opnuðu fyrir veiði og júlí sem er gjarnan besti tíminn í ánni rétt gengin í garð.

Það hafa verið mjög góðar göngur í Elliðaárnar og staðan í teljaranum í morgun var 514 laxar. Næsti stóri straumur er 9. júlí og fram að þeim degi er vaxandi straumur og því nokkuð víst að það verður stígandi í göngunum. Það er lax farinn að sýna sig um alla á og eins og vatnsstaðan í henni er núna er varla hægt að hugsa sér auðveldari veiðiferð en nákvæmlega í perlu borgarinnar. Veiðireglum var breytt fyrir sumarið samkvæmt ráðleggingum fiskifræðinga og nú er öllu sleppt ásamt því að aðeins má veiða á flugu. Þetta þýðir bara að það verður nóg af laxi í ánni í sumar því engin lax verður tekinn á land og hirrtur, en annað sem þetta gerir, þ.e.a.s. breytingin á veiðireglum varðandi fluguna er að með nóg af laxi í ánni og aðeins leyfð fluga er þetta frábært tækifæri að skreppa í ána og kenna upprennandi veiðimönnum að fluguveiða þessa skemmtilegu á í borginni okkar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.