Veiði

Urriðafoss að detta í 400 laxa

Karl Lúðvíksson skrifar
Urriðafoss - Harpa stór lax
Mynd: Stefán Sigurðsson

Það er alveg klárt mál hvaða svæði stendur upp úr á fyrstu vikum þessa veiðisumars og það er Urriðafoss í Þjórsá en veiðin þar hefur verið mjög góð síðustu daga.

Flestir veiðistaðir á svæðinu eru að gefa fisk og það er greinilegt að það er töluvert magn af laxi að ganga og veiðitölurnar endurspegla það ágætlega. Fyrir tveimur dögum síðan var talan 350 laxar og núna í í dag má reikna með að þetta magnaða veiðisvæði fari yfir 400 laxa og er lang aflahæsta svæðið enn sem komið er, bæði í heildarfjölda sem og auðvitað laxar per stöng. 

Það endurspeglast ágætlega hverjar væntingar veiðimanna eru til Urriðafoss enda komast færri að en vilja. Það má þess vegna benda þeim sem eru spenntir og vilja komast fljótlega í Þjórsá að efri svæðin fyrir ofan Urriðafoss eru ekki síður spennandi og þar hafa verið að veiðast laxar undanfarna daga. Þessi svæði hafa verið lítið stundum en allur sá lax sem ætlar upp í Þjórsá fer þarna í gegn og satt best að segja þá eru nokkrir veiðistaðir þarna eins og Kláfur, Sandvík og Sog frábærir staðir fyrir tvíhenduna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.