Veiði

Mikið líf í Hítarvatni

Karl Lúðvíksson skrifar
Tekið á fiski í Hítarvatni.
Tekið á fiski í Hítarvatni. Mynd: Veiðikortið

Veðrið um helgina skapaði þau skilyrði í mörgum vötnum að silungurinn kom upp á grynnra vatn í torfum til að éta og þá ber vel í veiði.

Eitt af þeim mörgu vötnum sem lifnar ansi vel yfir þegar það er heitt í veðri er Hítarvatn og þeir sem þekkja vatnið vel fara ekki einu sinni þangað nema skilyrðin séu nákvæmlega þannig. Það þarf að hafa verið nokkuð hlýtt í alla vega fjóra fimm daga til að veiðin verði það góð að eftir því sé tekið. Þetta gerðist hjá nokkrum veiðimönnum um helgina. Vatnsstaðan í Hítarvatni er búin að vera nokkuð há og það þurfti þess vegna smá tíma til að komast um vatnið en þegar það lægði var nokkuð augljóst hvar fiskurinn var að safnast saman. 

Það sást mjög vel í fjölda vaka á vatninu þegar silungurinn var að taka flugur á yfirborðinu og ef þú sérð þetta þá er bara um að gera að elta torfuna. Við höfum heyrt af einum í það minnsta sem var með hátt í fimmtíu fiska eftir sunnudaginn og það voru fleiri með mjög góða veiði upp á tíu til tuttugu fiska eftir daginn. Það er langsamlega best að veiða á flugu í vatninu eða litla spinnera og það þarf oft ekkert að kasta mjög langt því silungurinn er oftar en ekki frekar nálægt landi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.