Matur

Sörurnar hennar Sylvíu Haukdal - Uppskrift

Sylvía Rut Sigfúsdóttir skrifar
Sörurnar eru ómissandi fyrir jólin.
Sörurnar eru ómissandi fyrir jólin. Vísir/Sylvía Haukdal

Bakað með Sylvíu Haukdal eru nýir þættir á Stöð 2 Maraþon. Í fyrsta þættinum deilir hún dásamlegri uppskrift að sörum fyrir jólin. Þessar eru fullkomnar fyrir baksturinn um helgina og bragðast ótrúlega vel.

Sylvía Haukdal er ótrúlega klár þegar kemur að kökubakstri og kökuskreytingum. Hún heldur úti fallegu kökubloggi ásamt því að starfa hjá Sætum syndum. Þættirnir hennar verða sýndir á Stöð 2 maraþon í desember.  Í spilaranum hér að neðan má sjá fyrsta þáttinn í heild sinni en uppskrift og aðferð er neðar í fréttinni. Við gefum Sylvíu Haukdal orðið. 

Klippa: Sörur - Bakað með Sylvíu Haukdal

Uppskrift:

Söru skeljar 
250 g möndlumjöl
200 g flórsykur
130 g eggjahvítur
1/4 tsk salt
 
Aðferð:
1. Byrjum á stífþeyta eggjahvíturnar. 
2. Síðan bætum við saltinu saman við og þeytum í um það bil 10 sekúndur.
3. Næst hrærum við möndlumjölinu saman við með sleif.
4. Skeljarnar eru bakaðar við 180 gráður í um það bil 12 mínútur.

Sylvía Haukdal Vísir/Sylvía Haukdal

Krem
140 g eggjarauður
330 g smjör (við stofuhita)
130 ml sýróp
3 msk kakó
3 tsk instant kaffi
 
Hjúpur
200 g súkkulaðihjúpur
 
Aðferð:
1. Við byrjum á því að þeyta eggjarauður þar til þær verða ljósar og léttar. Á meðan hitum við sírópið.
2. Næst hellum við sírópinu í mjórri bunum saman við eggjarauðurnar og höldum svo áfram að þeyta þar til blandan fer að kólna.
3. Síðan hrærum við smjör, instant kaffi og kakói saman við og þeytum þar til kremið verður glansandi ljóst og létt.

Samsetning:

1. Sprautum kremi á söruskeljarnar (ég notaði stút Ateco 808) og setjum þær í frysti.
2. Bræðum súkkulaðihjúp yfir vatnsbaði.
3. Að lokum dýfum við sörunum (krem hlutanum) ofan í súkkulaðihjúpinn.

Vísir/Sylvía Haukdal


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.