Bílar

Toyota staðfestir loksins áætlanir um rafbíla

Kristinn Ásgeir Gylfason skrifar
Hugmyndir Toyota um rafbíla í sínum flota.
Hugmyndir Toyota um rafbíla í sínum flota. Toyota

Toyota og Lexus munu setja á markað þrjá nýja hreina rafbíla á næstu þremur árum. Toyota hefur verið lengi á rafbílavagninn. Þetta staðfesti framleiðandinn.

Toyota var frumkvöðull þegar kom að tvinnbílum. Toyota kynnti fyrstu hybrid vélina í Prius 1997. Toyota hefur ekki tekið mikinn þátt í tengil-tvinnbíla væðigunni, þó Prius komi í þeirri útfærslu. Hreinn rafbíll frá Toyota hefur ekki verið á borðinu þangað til núna.

Mynd frá því Toyota kynnti fyrsta Prius-inn. Getty

„Við höfum tæknina. Við erum að bíða eftir réttum tíma. Þetta þarf að ganga upp viðskiptalega. Það þarf að vera framlegð af þessu. Ef horft er á staðreyndirnar varðandi það sem er að gerast á markaðnum núna, sem dæmi er tengil-tvinn tæknin greinanleg í verðum bíla. Ef við ætlum að hafa rafbíl í vöruframboði okkar þá verður hann að vera á ákjósanlegu verði fyrir venjulega notendur,“ sagði Naohisa Hatta, aðstoðar yfirverkfræðingur hjá Toyota.

Hulunni verður svipt af hugmynda-rafbílum í næstu viku á bílasýningunni í Tókýó. Þeir gefa líklega tóninn fyrir hina raunverulega bíla sem Toyota ætlar að framleiða og setja í sölu á næstu tveimur árum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.