Bílar

Nissan kynnir nýjan borgarbíl

Kristinn Ásgeir Gylfason skrifar
Nissan IMk er borgarbíll framtíðarinnar að sögn Nissan.
Nissan IMk er borgarbíll framtíðarinnar að sögn Nissan. Nissan
Nissan hefur sent frá sér myndir af hugmyndabílnum Nissan IMk. IMk er ætlað að vera rafdrifinn borgarbíll sem hefur framtíðarmiðað yfirbragð. Bíllinn verður kynntur á bílasýningunni í Tokyo seinna í mánuðinum.



Japanski framleiðandinn hefur sagt að IMk sé hugmyndabíll sem byggi á „nýrri stefnu í hönnunartungutaki Nissan“ og blási lífi í snjallbíla Nissan. IMk á að vera útbúinn allri nýjustu tækni til sjálfsaksturs og tenginga við aðra bíla.



Bíllinn er eins og myndin gefur til kynna fremur kassalaga. Honum er ætlað að mæta þörfum borgarbúa um litla og þægilega borgarbíla, fyrst í Japan og svo um allan heim.



Smella þarf á CC til að texta myndbandið.

Eins og stendur er einungis einn hreinn rafbíll í vörulínu Nissan, Nissan Leaf. Ætlunin er að kynna nýja rafbíla á næsta ári, þar á meðal jeppling sem á að vera útblásturslaus, með öðrum orðum rafmagnsbíll.



IMk er styttri og grennri en Nissan Micra en þó hærri. Innra rými í IMk á að fanga „stemminguna á kaffihúsi eða biðstofu,“ svo notuð séu orð framleiðandans.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.