Viðbótarfjármagn frá SOS Barnaþorpunum til flóttafólks frá Venesúela Heimsljós kynnir 1. október 2019 15:30 SOS SOS Barnaþorpin á Íslandi hafa lagt fram tæpar sjö milljónir króna í viðbótarframlag til aðstoðar við flóttafjölskyldur frá Venesúela í Kólumbíu. Að mati samtakanna hefur ástandið stigversnað undanfarna mánuði en systursamtök þeirra í Kólumbíu gera allt sem í valdi þeirra stendur til að takmarka þau slæmu áhrif sem ástandið hefur á börn, að því er fram kemur í frétt. „Það er mjög brýnt að flóttabörnin fái athygli. Í umsjá okkar fá þau sumt af því sem þau þurftu að skilja eftir heima; leikföng og vini en umfram allt ástríkt heimili,“ segir Angela Rosales, framkvæmdastjóri SOS í Kólumbíu. Yfir fjórar milljónir Venesúelamanna hafa flúið landið undanfarin fimm ár í leit að öryggi og búist er við að flóttafólk verði fimm og hálf milljón fyrir árslok. Stór hluti þessa fólks eru börn og unglingar sem hafa orðið viðskila við foreldra sína, og barnshafandi konur. SOS Barnaþorpin telja að þessi hópur sé sérstaklega berskjaldaður fyrir hættum af ýmsu tagi. Glæpagengi hneppi konur og stúlkur í kynlífsánauð og fólkið lifi í stöðugum ótta við mansal og mannrán, eða að verða vísað úr landi. „SOS Barnaþorpin í Kólumbíu vinna markvisst að því að forða fólki frá þessum hættum og hafa sett upp svokölluð fjölskyldu- og barnvæn svæði. Þar fá fjölskyldur faglega ráðgjöf, aðstoð við að þekkja hætturnar og eflingu til sjálfshjálpar. SOS sér barnafjölskyldum í neyð einnig fyrir tímabundnum vistarverum, mat, vatni, hreinlæti og sálfræðiaðstoð ásamt fleiru,“ segir í fréttinni. SOS Barnaþorpin á Íslandi styrktu þessa neyðaraðstoð um rúma eina milljón króna fyrr á þessu ári sem mótframlag við 19,5 milljóna króna styrk utanríkisráðuneytisins. Í ljósi aukinnar neyðar hefur stjórn SOS á Íslandi nú ákveðið að bæta tæpum sjö milljónum króna við þessa þörfu aðstoð.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Mest lesið „Sjaldan hefur stjórnmálamaður verið hamflettur jafn rækilega“ Innlent „Hef ekki hitt neinn arkitekt sem finnst þetta góð hugmynd“ Innlent „Það er rosalega ljótt að segja þetta en mér líður bara þannig“ Innlent Lét högg og spörk dynja á foreldrunum í tíu klukkustundir Innlent Segir viðbrögð Bjarnheiðar vekja „óþægilegar minningar“ Innlent „Ég held að þetta sé ekki bóla“ Innlent Komu göngumönnum í sjálfheldu til aðstoðar Innlent „Það þarf sennilega að moka þennan bíl upp“ Innlent Meiddist á handlegg og fótum þegar glerhurð brotnaði Innlent Breiðan „tjakkast upp“ og varað við framhlaupi við hraunjaðrana Innlent
SOS Barnaþorpin á Íslandi hafa lagt fram tæpar sjö milljónir króna í viðbótarframlag til aðstoðar við flóttafjölskyldur frá Venesúela í Kólumbíu. Að mati samtakanna hefur ástandið stigversnað undanfarna mánuði en systursamtök þeirra í Kólumbíu gera allt sem í valdi þeirra stendur til að takmarka þau slæmu áhrif sem ástandið hefur á börn, að því er fram kemur í frétt. „Það er mjög brýnt að flóttabörnin fái athygli. Í umsjá okkar fá þau sumt af því sem þau þurftu að skilja eftir heima; leikföng og vini en umfram allt ástríkt heimili,“ segir Angela Rosales, framkvæmdastjóri SOS í Kólumbíu. Yfir fjórar milljónir Venesúelamanna hafa flúið landið undanfarin fimm ár í leit að öryggi og búist er við að flóttafólk verði fimm og hálf milljón fyrir árslok. Stór hluti þessa fólks eru börn og unglingar sem hafa orðið viðskila við foreldra sína, og barnshafandi konur. SOS Barnaþorpin telja að þessi hópur sé sérstaklega berskjaldaður fyrir hættum af ýmsu tagi. Glæpagengi hneppi konur og stúlkur í kynlífsánauð og fólkið lifi í stöðugum ótta við mansal og mannrán, eða að verða vísað úr landi. „SOS Barnaþorpin í Kólumbíu vinna markvisst að því að forða fólki frá þessum hættum og hafa sett upp svokölluð fjölskyldu- og barnvæn svæði. Þar fá fjölskyldur faglega ráðgjöf, aðstoð við að þekkja hætturnar og eflingu til sjálfshjálpar. SOS sér barnafjölskyldum í neyð einnig fyrir tímabundnum vistarverum, mat, vatni, hreinlæti og sálfræðiaðstoð ásamt fleiru,“ segir í fréttinni. SOS Barnaþorpin á Íslandi styrktu þessa neyðaraðstoð um rúma eina milljón króna fyrr á þessu ári sem mótframlag við 19,5 milljóna króna styrk utanríkisráðuneytisins. Í ljósi aukinnar neyðar hefur stjórn SOS á Íslandi nú ákveðið að bæta tæpum sjö milljónum króna við þessa þörfu aðstoð.Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Mest lesið „Sjaldan hefur stjórnmálamaður verið hamflettur jafn rækilega“ Innlent „Hef ekki hitt neinn arkitekt sem finnst þetta góð hugmynd“ Innlent „Það er rosalega ljótt að segja þetta en mér líður bara þannig“ Innlent Lét högg og spörk dynja á foreldrunum í tíu klukkustundir Innlent Segir viðbrögð Bjarnheiðar vekja „óþægilegar minningar“ Innlent „Ég held að þetta sé ekki bóla“ Innlent Komu göngumönnum í sjálfheldu til aðstoðar Innlent „Það þarf sennilega að moka þennan bíl upp“ Innlent Meiddist á handlegg og fótum þegar glerhurð brotnaði Innlent Breiðan „tjakkast upp“ og varað við framhlaupi við hraunjaðrana Innlent