Tökum næsta skref með Skessunni Benedikt Bóas skrifar 15. ágúst 2019 15:00 Valdimar Svavarsson í Kaplakrika á sínum heimavelli skömmu fyrir leikinn gegn KR. Hann gerir ráð fyrir að Skessan verði komin í notkun í september og það muni breyta miklu fyrir knattspyrnuaðstöðu í Hafnarfirði. Þrjú yfirbyggð hús verða þá í Kaplakrika, misstór. Fréttablaðið/valli Leikur FH og KR í undanúrslitum Mjólkurbikarsins hófst klukkan 18 en í Kaplakrika eru engin flóðljós og því þurfti að hafa snör handtök eftir vinnu í gær til að ná á leikinn. Valdimar Svavarsson, formaður knattspyrnudeildar FH, segir að það sé ekki á döfinni að koma upp flóðljósum, annað sé í forgangi. Í fundargerð innkauparáðs Reykjavíkur frá því í júlí kemur fram að Þróttur og Leiknir séu að endurnýja vallarlýsingu á sínum völlum og er kostnaðaráætlun 65 milljónir króna. Eftir verslunarmannahelgi er yfirleitt spilað á völlum sem ekki hafa flóðlýsingu mun fyrr að deginum, þótt leikdagarnir séu yfirleitt um helgar en það er ekki algilt. Á mánudag mæta Víkingar í heimsókn í Frostaskjól og hefst leikurinn klukkan 18 en þar eru engin flóðljós á meðan viðureign Breiðabliks og Vals hefst klukkan 19.15 undir skærum flóðljósum. „Flóðljós hafa ekkert verið sérstaklega sett á dagskrá. Við erum með grasvöll og ætlum að vera með grasvöll um ókomna tíð. Þá er yfirleitt leiktímum stillt upp eftir birtu og þetta hefur ekki verið uppi á borðum hér í Kaplakrika. Þetta hangir saman við velli sem eru í notkun allt árið eins og gervigrasvellir eru almennt og ef mig misminnir ekki þá eru ekki margir grasvellir með flóðlýsingu fyrir utan þjóðarleikvanginn, Laugardalsvöll,“ segir hann.Aðstaðan var löngu sprungin Aðstaða til knattspyrnuiðkunar í Kaplakrika hefur verið á milli tannanna á fólki þar sem ýmislegt hefur verið látið flakka. Á 90 ára afmælisári félagsins er þó horft björtum augum til framtíðar og segir Valdimar að spennandi hlutir séu að gerast. „Við tökum Skessuna í notkun von bráðar og þar verður góð lýsing og góð aðstaða. Við getum vonandi tekið næstu skref þegar Skessan verður opnuð og haldið áfram að bæta okkur. Þá verðum við komin með þrjú yfirbyggð hús með mismunandi kosti hvert hús. Þá getum við veitt meiri þjónustu. Við erum búin að skrifa undir samninga við 10 unga FH-inga og við erum að byggja upp hópinn og styrkja grunninn fyrir framtíðina. Þetta eru strákar frá 15-19 ára og við erum að setja meiri kraft í þann hóp. Við erum með afreksstefnu sem sinnir þessum betri og efnilegri strákum og stelpum því við viljum byggja á okkar uppalda fólki. En vegna aðstöðuleysis höfum við ekki getað gert eins mikið og við hefðum viljað og þetta er hluti af því að bæta úr því.“ Í skýrslu frá 2017 um aðstöðu til knattspyrnuiðkunar í Hafnarfirði sem Geir Bjarnason skrifaði kemur fram að hægt hefði verið að létta á þörfinni fyrir aukið rými með aðgerðum sem enginn vildi fara í. Að takmarka fjölda iðkenda, takmarka rými, hækka gjöld og fækka æfingum. Í skýrslunni kom fram að að jafnaði séu um 400 börn í hverjum árgangi í grunnskólum bæjarins og sem dæmi voru um 280 börn skráð í 5. flokk karla og kvenna hjá Haukum og FH. Valdimar segir að aðstaðan í Kaplakrika hafi verið löngu sprungin. „Hún var það. Ef maður lýsir þessum síðustu tveimur til þremur árum þá var þetta þannig að við vorum að æfa í okkar húsum en vegna fjölda komum við okkar æfingum ekki fyrir þannig að við höfum æft á ÍR-velli í Breiðholti, Álftanesi, Ásvöllum og þetta hefur komið mörgum í erfiða stöðu, sérstaklega á síðustu tveimur árum. Orkan sem hefur farið í þetta hjá öllum er mikil og vonandi getum við nú beint henni annað og orðið betri í íþróttinni og umgjörð og öðru sem viðkemur fótboltanum.“Horfir til betri vegar Knattspyrnudeildin telur um þúsund manns og segir Valdimar að Hafnarfjarðarbær hafi nýverið hækkað niðurgreiðslu til foreldra vegna íþróttaiðkunar sem hann fagni. Það sé þó önnur hlið á peningnum. „Bæjaryfirvöld hafa ekki alltaf áttað sig á því að með því að fjölga iðkendum og hvetja til íþróttaiðkunar þarf að veita þjónustu og ef félögin hafa ekki aðstöðu eða umgjörð til þess þá er erfitt að stunda íþróttina. En þetta horfir allt til betri vegar og bærinn er að gera fína hluti eins og við.“ Hann segir að framtíðin sé björt í Kaplakrika og á þessu afmælisári sé gott að kíkja í kristalskúluna. „Ég er bjartsýnn á framtíðina og þó maður geti alltaf pirrað sig yfir að vinna ekki alla fótboltaleiki þá erum við að standa okkur almennt mjög vel hvert sem litið er. Við erum félag sem þorir og við ætlum að leggja áherslu á góða þjónustu við okkar iðkendur og með komu Skessunnar erum við komin með aðstöðu sem fáir ef einhverjir geta keppt við.“ Birtist í Fréttablaðinu Hafnarfjörður Íslenski boltinn Mest lesið Ronaldo hlustaði ekki á meðan aðrir vildu Ancelotti eða Zidane Enski boltinn Ekki léttvæg ákvörðun að hætta við bardagann Sport Ógnaði lögreglu með öxi stuttu frá stuðningsmannasvæði Hollendinga Fótbolti Holland lenti undir en varamaðurinn Wout Weghorst kom til bjargar Fótbolti Sjáðu fljótasta mark í sögu EM og endurkomu Ítalíu Fótbolti Neituðu launahækkun til að tryggja kvennalandsliðinu sömu laun Fótbolti Ronaldinho hættur að horfa á Brasilíu Fótbolti Utan vallar: Tuttugu ár frá besta EM allra tíma Fótbolti Yngsti þjálfari í sögu ensku úrvalsdeildarinnar Enski boltinn Segir England ekki eiga möguleika með Trent á miðjunni Fótbolti Fleiri fréttir Í beinni: Tindastóll-Víkingur | Fyrsti heimaleikurinn gegn nýliðunum Í beinni: Breiðablik-Þróttur | Taplaust topplið tekur á móti lánlausu botnliði Hundraðasta mark Söndru Maríu kom í Garðabænum Uppgjör: Stjarnan – Þór/KA 1-4 | Sandra María hættir ekki að skora „Það er erfitt að koma hingað og sækja stig“ Uppgjör: FH varði forskotið og tók öll stigin Stórskotalið var á blaðamannafundi Vals Frábær umgjörð hjá kvennaliði Fylkis Undanúrslit Mjólkurbikarsins: Arnar Grétarsson fer á fornar slóðir og bikarmeistararnir fá Stjörnuna „Einn sá besti sem KA hefur haft í sögunni” Njarðvíkingar tylla sér á topp Lengjudeildarinnar Markahæstur í sögu KA með hundrað mörk: „ Vonandi fer ég í 150” Leik lokið: KA - Fram 3-0 | KA í undanúrslit eftir hundraðasta mark Hallgríms Mar Uppgjörið, myndir og viðtöl: Víkingur - Fylkir 3-1 | Víkingur hreinlega kann ekki að detta úr bikarnum Dreymir um að dæma Evrópu- eða landsleiki Breiðablik og Valur með elstu liðin í Bestu deild karla „Ég er ekki stoltur af þessu“ Uppgjör: Þór Ak. - Stjarnan 0-1 | Róbert Frosti dró Stjörnuna í undanúrslit Hjartnæm stund í Árbænum: Gestirnir gáfu sektarsjóðinn er Fylkismenn minntust fallins félaga Uppgjörið, viðtöl og myndir: Breiðablik - Keflavík 5-2 | Blikar í undanúrslit „Hefði átt að setja þrjú þannig ég er bara ósátt með það“ „Við tökum vel á móti öllum sem vilja gera sér ferð norður“ „Ef þú skorar ekki þá áttu ekki skilið að vinna“ Dæmdur í bann fyrir að fleygja „fullum vatnsbrúsa í smettið á trommara“ Leik lokið: FH - Þór/KA 0-1 | Sandra María skoraði strax og tryggði sigur Uppgjör og viðtöl: Grindavík - Valur | Valskonur í undanúrslit eftir sex marka sigur Áfall fyrir botnlið Þróttar Óskar um nýja starfið hjá KR: „Ég er ekki ógn við Gregg Ryder“ Óskar Hrafn tekinn til starfa hjá KR Uppgjör: Keflavík - Valur 3-3 | Valur í undanúrslit eftir vítaspyrnukeppni Sjá meira
Leikur FH og KR í undanúrslitum Mjólkurbikarsins hófst klukkan 18 en í Kaplakrika eru engin flóðljós og því þurfti að hafa snör handtök eftir vinnu í gær til að ná á leikinn. Valdimar Svavarsson, formaður knattspyrnudeildar FH, segir að það sé ekki á döfinni að koma upp flóðljósum, annað sé í forgangi. Í fundargerð innkauparáðs Reykjavíkur frá því í júlí kemur fram að Þróttur og Leiknir séu að endurnýja vallarlýsingu á sínum völlum og er kostnaðaráætlun 65 milljónir króna. Eftir verslunarmannahelgi er yfirleitt spilað á völlum sem ekki hafa flóðlýsingu mun fyrr að deginum, þótt leikdagarnir séu yfirleitt um helgar en það er ekki algilt. Á mánudag mæta Víkingar í heimsókn í Frostaskjól og hefst leikurinn klukkan 18 en þar eru engin flóðljós á meðan viðureign Breiðabliks og Vals hefst klukkan 19.15 undir skærum flóðljósum. „Flóðljós hafa ekkert verið sérstaklega sett á dagskrá. Við erum með grasvöll og ætlum að vera með grasvöll um ókomna tíð. Þá er yfirleitt leiktímum stillt upp eftir birtu og þetta hefur ekki verið uppi á borðum hér í Kaplakrika. Þetta hangir saman við velli sem eru í notkun allt árið eins og gervigrasvellir eru almennt og ef mig misminnir ekki þá eru ekki margir grasvellir með flóðlýsingu fyrir utan þjóðarleikvanginn, Laugardalsvöll,“ segir hann.Aðstaðan var löngu sprungin Aðstaða til knattspyrnuiðkunar í Kaplakrika hefur verið á milli tannanna á fólki þar sem ýmislegt hefur verið látið flakka. Á 90 ára afmælisári félagsins er þó horft björtum augum til framtíðar og segir Valdimar að spennandi hlutir séu að gerast. „Við tökum Skessuna í notkun von bráðar og þar verður góð lýsing og góð aðstaða. Við getum vonandi tekið næstu skref þegar Skessan verður opnuð og haldið áfram að bæta okkur. Þá verðum við komin með þrjú yfirbyggð hús með mismunandi kosti hvert hús. Þá getum við veitt meiri þjónustu. Við erum búin að skrifa undir samninga við 10 unga FH-inga og við erum að byggja upp hópinn og styrkja grunninn fyrir framtíðina. Þetta eru strákar frá 15-19 ára og við erum að setja meiri kraft í þann hóp. Við erum með afreksstefnu sem sinnir þessum betri og efnilegri strákum og stelpum því við viljum byggja á okkar uppalda fólki. En vegna aðstöðuleysis höfum við ekki getað gert eins mikið og við hefðum viljað og þetta er hluti af því að bæta úr því.“ Í skýrslu frá 2017 um aðstöðu til knattspyrnuiðkunar í Hafnarfirði sem Geir Bjarnason skrifaði kemur fram að hægt hefði verið að létta á þörfinni fyrir aukið rými með aðgerðum sem enginn vildi fara í. Að takmarka fjölda iðkenda, takmarka rými, hækka gjöld og fækka æfingum. Í skýrslunni kom fram að að jafnaði séu um 400 börn í hverjum árgangi í grunnskólum bæjarins og sem dæmi voru um 280 börn skráð í 5. flokk karla og kvenna hjá Haukum og FH. Valdimar segir að aðstaðan í Kaplakrika hafi verið löngu sprungin. „Hún var það. Ef maður lýsir þessum síðustu tveimur til þremur árum þá var þetta þannig að við vorum að æfa í okkar húsum en vegna fjölda komum við okkar æfingum ekki fyrir þannig að við höfum æft á ÍR-velli í Breiðholti, Álftanesi, Ásvöllum og þetta hefur komið mörgum í erfiða stöðu, sérstaklega á síðustu tveimur árum. Orkan sem hefur farið í þetta hjá öllum er mikil og vonandi getum við nú beint henni annað og orðið betri í íþróttinni og umgjörð og öðru sem viðkemur fótboltanum.“Horfir til betri vegar Knattspyrnudeildin telur um þúsund manns og segir Valdimar að Hafnarfjarðarbær hafi nýverið hækkað niðurgreiðslu til foreldra vegna íþróttaiðkunar sem hann fagni. Það sé þó önnur hlið á peningnum. „Bæjaryfirvöld hafa ekki alltaf áttað sig á því að með því að fjölga iðkendum og hvetja til íþróttaiðkunar þarf að veita þjónustu og ef félögin hafa ekki aðstöðu eða umgjörð til þess þá er erfitt að stunda íþróttina. En þetta horfir allt til betri vegar og bærinn er að gera fína hluti eins og við.“ Hann segir að framtíðin sé björt í Kaplakrika og á þessu afmælisári sé gott að kíkja í kristalskúluna. „Ég er bjartsýnn á framtíðina og þó maður geti alltaf pirrað sig yfir að vinna ekki alla fótboltaleiki þá erum við að standa okkur almennt mjög vel hvert sem litið er. Við erum félag sem þorir og við ætlum að leggja áherslu á góða þjónustu við okkar iðkendur og með komu Skessunnar erum við komin með aðstöðu sem fáir ef einhverjir geta keppt við.“
Birtist í Fréttablaðinu Hafnarfjörður Íslenski boltinn Mest lesið Ronaldo hlustaði ekki á meðan aðrir vildu Ancelotti eða Zidane Enski boltinn Ekki léttvæg ákvörðun að hætta við bardagann Sport Ógnaði lögreglu með öxi stuttu frá stuðningsmannasvæði Hollendinga Fótbolti Holland lenti undir en varamaðurinn Wout Weghorst kom til bjargar Fótbolti Sjáðu fljótasta mark í sögu EM og endurkomu Ítalíu Fótbolti Neituðu launahækkun til að tryggja kvennalandsliðinu sömu laun Fótbolti Ronaldinho hættur að horfa á Brasilíu Fótbolti Utan vallar: Tuttugu ár frá besta EM allra tíma Fótbolti Yngsti þjálfari í sögu ensku úrvalsdeildarinnar Enski boltinn Segir England ekki eiga möguleika með Trent á miðjunni Fótbolti Fleiri fréttir Í beinni: Tindastóll-Víkingur | Fyrsti heimaleikurinn gegn nýliðunum Í beinni: Breiðablik-Þróttur | Taplaust topplið tekur á móti lánlausu botnliði Hundraðasta mark Söndru Maríu kom í Garðabænum Uppgjör: Stjarnan – Þór/KA 1-4 | Sandra María hættir ekki að skora „Það er erfitt að koma hingað og sækja stig“ Uppgjör: FH varði forskotið og tók öll stigin Stórskotalið var á blaðamannafundi Vals Frábær umgjörð hjá kvennaliði Fylkis Undanúrslit Mjólkurbikarsins: Arnar Grétarsson fer á fornar slóðir og bikarmeistararnir fá Stjörnuna „Einn sá besti sem KA hefur haft í sögunni” Njarðvíkingar tylla sér á topp Lengjudeildarinnar Markahæstur í sögu KA með hundrað mörk: „ Vonandi fer ég í 150” Leik lokið: KA - Fram 3-0 | KA í undanúrslit eftir hundraðasta mark Hallgríms Mar Uppgjörið, myndir og viðtöl: Víkingur - Fylkir 3-1 | Víkingur hreinlega kann ekki að detta úr bikarnum Dreymir um að dæma Evrópu- eða landsleiki Breiðablik og Valur með elstu liðin í Bestu deild karla „Ég er ekki stoltur af þessu“ Uppgjör: Þór Ak. - Stjarnan 0-1 | Róbert Frosti dró Stjörnuna í undanúrslit Hjartnæm stund í Árbænum: Gestirnir gáfu sektarsjóðinn er Fylkismenn minntust fallins félaga Uppgjörið, viðtöl og myndir: Breiðablik - Keflavík 5-2 | Blikar í undanúrslit „Hefði átt að setja þrjú þannig ég er bara ósátt með það“ „Við tökum vel á móti öllum sem vilja gera sér ferð norður“ „Ef þú skorar ekki þá áttu ekki skilið að vinna“ Dæmdur í bann fyrir að fleygja „fullum vatnsbrúsa í smettið á trommara“ Leik lokið: FH - Þór/KA 0-1 | Sandra María skoraði strax og tryggði sigur Uppgjör og viðtöl: Grindavík - Valur | Valskonur í undanúrslit eftir sex marka sigur Áfall fyrir botnlið Þróttar Óskar um nýja starfið hjá KR: „Ég er ekki ógn við Gregg Ryder“ Óskar Hrafn tekinn til starfa hjá KR Uppgjör: Keflavík - Valur 3-3 | Valur í undanúrslit eftir vítaspyrnukeppni Sjá meira
Undanúrslit Mjólkurbikarsins: Arnar Grétarsson fer á fornar slóðir og bikarmeistararnir fá Stjörnuna
Uppgjörið, myndir og viðtöl: Víkingur - Fylkir 3-1 | Víkingur hreinlega kann ekki að detta úr bikarnum