Hálendisveiðin gengur vel Karl Lúðvíksson skrifar 29. júlí 2019 09:00 Það er víða veitt á hálendinu og veiðin er góð á flestum svæðum sem við höfum heyrt af og það eru margir til fjalla þessa helgina. Flestir veiðimenn sem sækja í hálendisveiði hafa sótt stíft í Veiðivötn enda er það vatnasvæði líklega eitt það vinsælasta á landinu. Önnur svæði á hálendinu eru þó líka vel sótt og þar má meðal annars nefna Köldukvísl þar sem veiðin í sumar hefur verið virkilega góð og eru flestir á því að það hafi verið svæðinu til mikilla bóta að veitt og sleppt hafi verið tekið upp þar. Kvíslaveitur er svo annað stórt svæði sem er mun minna sótt en þau eiga skilið enda er veiðin þarna oft mjög góð en það þarf aðeins að gefa sér tíma til að læra á svæðið til að finna bestu blettina. Það eru nokkrir staðir þar sem lindarvatn rennur út í jökulvatnið og þar er yfirleitt alltaf fiskur. Hann er misstór eftir því hvar þú ert að veiða og yfirleitt er stærri fiskur þar sem straums gætir á milli vatna. Við höfum þegar heyrt af nokkrum sem eru þar efra við veiðar í dag og þeir hafa gert mjög fína veiði með um það bil 40 fiska á þrjár stangir eftir daginn. Mest lesið Margir stórir fiskar sagðir á ferli í Varmá Veiði Helgarviðtal: Skjálfandi á beinunum á bökkum Svartár (fyrri hluti) Veiði Nýjar vikulegar veiðitölur Veiði Endurheimtur seiða betri en í fyrra Veiði Vorveiðin erfið sökum kulda og hrets Veiði Eyjafjarðará að taka við sér á nýjan leik Veiði Laxinn er mættur Veiði Einstök hellableikja við Mývatn Veiði Henrik Mortensen snýr aftur með kastkennslu Veiði "Veiðistaður 60 er teppalagður af laxi" Veiði
Það er víða veitt á hálendinu og veiðin er góð á flestum svæðum sem við höfum heyrt af og það eru margir til fjalla þessa helgina. Flestir veiðimenn sem sækja í hálendisveiði hafa sótt stíft í Veiðivötn enda er það vatnasvæði líklega eitt það vinsælasta á landinu. Önnur svæði á hálendinu eru þó líka vel sótt og þar má meðal annars nefna Köldukvísl þar sem veiðin í sumar hefur verið virkilega góð og eru flestir á því að það hafi verið svæðinu til mikilla bóta að veitt og sleppt hafi verið tekið upp þar. Kvíslaveitur er svo annað stórt svæði sem er mun minna sótt en þau eiga skilið enda er veiðin þarna oft mjög góð en það þarf aðeins að gefa sér tíma til að læra á svæðið til að finna bestu blettina. Það eru nokkrir staðir þar sem lindarvatn rennur út í jökulvatnið og þar er yfirleitt alltaf fiskur. Hann er misstór eftir því hvar þú ert að veiða og yfirleitt er stærri fiskur þar sem straums gætir á milli vatna. Við höfum þegar heyrt af nokkrum sem eru þar efra við veiðar í dag og þeir hafa gert mjög fína veiði með um það bil 40 fiska á þrjár stangir eftir daginn.
Mest lesið Margir stórir fiskar sagðir á ferli í Varmá Veiði Helgarviðtal: Skjálfandi á beinunum á bökkum Svartár (fyrri hluti) Veiði Nýjar vikulegar veiðitölur Veiði Endurheimtur seiða betri en í fyrra Veiði Vorveiðin erfið sökum kulda og hrets Veiði Eyjafjarðará að taka við sér á nýjan leik Veiði Laxinn er mættur Veiði Einstök hellableikja við Mývatn Veiði Henrik Mortensen snýr aftur með kastkennslu Veiði "Veiðistaður 60 er teppalagður af laxi" Veiði