Veiði

Jökla fer vel af stað

Karl Lúðvíksson skrifar
Þessi flotti lax veiddist í Jöklu í fyrradag.
Þessi flotti lax veiddist í Jöklu í fyrradag. Mynd: Strengir Veiðiþjónusta FB
Fréttir af laxveiðinni á norðausturlandi eru mun betri en af vesturlandi enda vantar ekkert vatn í árnar fyrir norðan.



Ein af þeim ám sem veiðimenn þurfa líklega aldrei að hafa áhyggjur af vatnsleysi í er Jökla en veiðin í henni hefur farið vel af stað. Í fyrradag veiddust til að mynda átta laxar á svæðinu og flestir af þeim mjög vænir. Sá stærsti sem kom á land var 94 sm lax úr Klapparhyl en veiðimenn sáu fleiri laxa á þeim veiðistað. Hólaflúð er sem fyrr gjöfulasti veiðistaðurinn en veiðistaðirnir þar sem hliðarárnar renna í Jöklu eru þó að koma mjög sterkir inn. 



Einn af þeim stöðum er Fossárgrjót en þar veiðist oft vel þegar líður aðeins á tímabilið. Það hefur veriðvel bókað í Jöklu í sumar og fréttir af góðum aflabrögðum gera það líklega að verkum að fleiri sækja í Jöklu og hinar árnar á norður og norðausturlandi þar sem nægt vatn er í ánum lax að ganga ólíkt því ástandi sem ríkir í ánum á vesturlandi.







Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.