Veiði

Fyrstu laxarnir komnir úr Soginu

Karl Lúðvíksson skrifar
Veitt í Soginu
Veitt í Soginu Mynd úr safni

Ein af þeim ám sem verður aldrei vatnslaus er Sogið en fréttir af fyrstu löxunum eru að berast af bökkum Sogsins.

Fyrsti laxinn kom á opnunardaginn í Sakkarhólma en hann var búinn að sýna sig þar aðeins áður og tók púpu andstreymis. Fyrstu laxarnir sem við höfum frétt af við Ásgarð eru líka komnir á land en þar var að sögn fréttavefs Lax-Á nokkuð líf við opnun þar sem þrír laxar veiddust og nokkrir sluppu af. Við höfum heyrt af einum laxi af Syðri Brú en höfum ekki fengið það staðfest. Ekkert er komið af Alviðru en þar hefur að sama skapi engin verið að veiða.

Það hefur sést til laxa í göngu síðustu daga og þá helst Ásgarðsmeginn en þar eru nokkrir af gjöfulustu stöðum Sogsins eins og Frúarsteinn og Símastrengur. Bíldsfellsmeginn eru það veiðistaðir eins og Sakkarhólmi, Efri og Neðri Garður ásamt Melhorni sem eru oft gjöfulastir. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.