Veiði

Flott opnun í Grímsá

Karl Lúðvíksson skrifar
Alls veiddust 24 laxar í Grimsá við opnun
Alls veiddust 24 laxar í Grimsá við opnun Mynd: Hreggnasi FB

Skilyrðin í Borgarfirðinum eru ansi erfið en það er ekki sama staðan í öllum ánum og eins og er stendur Grímsá upp úr.

Opnun Grímsár tókst ljómandi vel enda áin í ágætu vatni og töluvert af fiski gengin í hana. Veiðitölur eru líka að endurspegla gott ástand í ánni en alls veiddust 24 laxar á aðeins fjórar stangir í opnunarhollinu og er það mesta veiðin í holli í Borgarfirðinum á þessu tímabili. Meira og minna allir laxarnir sem veiddust voru vænir tveggja ára laxar en reikna má með því að smálaxinn fari að láta sjá sig núna næstu daga með vaxandi straum. 

Veiðimenn sem eiga daga á næstunni hljóta að fagna fréttum af rigningu sem er spáð í vikunni enda er ástandið í Norðurá, Þverá og Kjarrá orðið mjög slæmt og það að skrifa einu sinni niður að veiðin í Norðurá sé ekki búin að ná 20 löxum 22. júní er eitthvað sem Veiðivísir átti aldrei von á að gera en við skulum vona að ástandið batni til hins betra með rigningu næstu daga en samkvæmt spánni erum vi ðað tala um alvöru sunnlenskt úrhelli. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.