Norðurlandið er eins og veiðimenn þekkja afskaplega gjöfult á sjóbleikju í þeim ám þar sem hana er að finna. Frá norðanverðu vesturlandi að Breiðdal á austurlandi er fjöldinn allur af ám af öllum stærðum og gerðum þar sem sjóbleikju er að finna en þær stærstu jafnast á allann hátt á við að þreyta lax. Við það bætist svo að líklega er engin laxfiskur bragðbetri en ný sjóbleikja.
Fnjóská er ein af þessum ám á norðurlandi sem margir sækja eingöngu til að eltast við stórar bleikjur og það hefur verið mjög líflegt þar síðustu daga. Veiðivísir á, eins og gefur að skilja, marga veiðivini á Facebook sem gefa okkur leyfi til að birta myndir af veiðitúrum og veiði og einn af eim duglegri er Mattías Þór Hákonarson en hann hefur verið við veiðar í Fnjóská og af myndunum af dæma hefur verið gaman hjá þeim. Það eru ekki margar ár sem gefa svona flottar sjóbleikjur.
Fnjóská gefur 500-1000 bleikjur á ári og er með meðalveiði upp á um það bil 250 laxa á ári.
