Veiði

24 laxar á land við opnun Þjórsár

Karl Lúðvíksson skrifar
Glæsilegur lax við opnun Þjórsár á laugardaginn. Stefán Sigurðsson fagnar og skal engan undra.
Glæsilegur lax við opnun Þjórsár á laugardaginn. Stefán Sigurðsson fagnar og skal engan undra. Mynd: Iceland Outfitters

Veiði hófst í Þjórsá á laugardaginn í blíðskaparveðri og veiðitölur eftir daginn lofa ansi góðu fyrir komandi sumar.

Þegar upp var staðið veiddust 24 laxar á þessum fyrsta degi sem er í alla staði frábær opnun og ágæt vísbending um að framundan gæti verið ágætt sumar í laxveiðinni. Það var mikill fiskur um allt og þetta á bara eftir að aukast. Stæstur hluti aflans var vel haldinn tveggja ára lax sem er góð vísbending um að laxinn hafi verið í góðu æti í sjó og binda veiðimenn vonir við að þessu samhliða verði smálaxagöngur sterkar. 

Svæðið við Urriðafoss er að sanna sig enn og aftur sem eitt af mest spennandi veiðisvæðum landsins og það verður að sama skapi spennandi að sjá hvernig nýju svæðin í Þjórsá koma út en nú er veitt á þremur nýjum svæðum í ánni og það er vel vitað að það er töluvert af laxi sem fer þar í gegn en það er ennþá verið að finna bestu veiðistaðina en veiðin er af þeim sökum ekki dýr. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.