Veiði

Sjóstangaveiði sífellt vinsælli

Karl Lúðvíksson skrifar
Það veiðast allskona fiskar á sjóstöng. Þessi risahlýri veiddist á sjóstöng á vestfjörðum.
Það veiðast allskona fiskar á sjóstöng. Þessi risahlýri veiddist á sjóstöng á vestfjörðum. Mynd úr safni

Ísland er veiðiparadís á svo marga vegu en það er ekki víða þar sem jafn fjölbreytt veiði er í boði fyrir stangveiðimenn.

Fyrir utan góða lax og silungsveiði er sjóstangaveiði sífellt vinsælli hér á landi og þá sérstaklega meðal Íslendinga sjálfra sem hafa ekki stundað þetta sport af neinum krafti nema í undantekningartilfellum hjá litlum hóp.Nú eru nokkur bátafyrirtæki sem bjóða upp á þessa þjónustu og Veiðivísir eru eiginlega frekar hissa á því að það skuli ekki fleiri t.d. smábátasjómenn bjóða upp á þetta, þ.e.a.s. að fara með fólk út á flóann til að veiða sér í soðið.

Það þarf ekki að fara langt til að komast á þokkaleg mið og aflinn er þorskur, ýsa, ufsi, steimbítur og koli svo nokkur dæmi séu tekin en tegundaúrvalið sem getur bitið á er mun meira en það. Það liggur ekki mikill kostnaður í búnaði og fyrir bátsferðina fer það nokkuð eftir þjónustunni sem er verið og kaupa og lengd ferðar en miðað við hvað er verið að borga í leyfi í lax og silungsveiði er þetta á verði sem allir ættu að ráða við. Það er fátt eins gaman og að fara með fjölskylduna út að veiða og elda síðan saman það sem er veitt. Að draga fisk úr köldum sjó, það er fátt eins íslenskt og það.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.