Domino's í Danmörku farið á hausinn Stefán Ó. Jónsson skrifar 6. mars 2019 16:52 Frá útibúi Domino's í Glostrup. Twitter „Því miður er Domino's í Danmörku gjaldþrota og því er ekki lengur hægt að panta pizzur. Unnið er að lausn svo að það verði hægt aftur í framtíðinni.“ Þetta segir Politiken að heyrist þegar hringt er í símanúmer alþjóðlegu pizzukeðjunnar í Danmörku. Þar að auki liggur danska heimasíða Domino's niðri sem stendur. Pizzukeðjan hefur átt í vök að verjast síðastliðið hálft ár eftir afhjúpanir sjónvarpsþáttarins Operation X, sem sýndur var í september á TV2. Þar kom meðal annars fram að Domino's hafi notast við gamalt hráefni og falsaðar dagsetningar á matvælum. Þá var einnig minnst á rottugang og óþrifnað. Sjónvarpsþátturinn notaðist við flugumann sem sankaði að sér heimildum um misferli Domino's mánuðum saman. Þá var haft eftir vörumerkjasérfræðingnum Henrik Byager, sem Politiken vísar til, að augljóst væri að Domino's myndi missa traust viðskiptavina sinna. „Allir sem séð hafa sjónvarpsþáttinn og hafa í hyggju að panta sér pizzu á næstunni mun vafalaust velja eithvað annað. Það er ekki síst vegna þess að þetta er eitthvað sem við setjum í munninn sem það er gríðarlega mikilvægt fyrir keðjuna að öðlast aftur traust áður en Danir panta pizzu frá keðjunni aftur.“ Domino's hafði verið á fínu róli í Danmörku áður en sjónvarpsþátturinn var sýndur. Tekjur félagsins jukust um rúmlega fjórðung á milli ára og stefnan var sett á að opna hundraðasta útibúið í Danmörku í náinni framtíð. Danska heilbrigðiseftirlitið lét Domino's hins vegar finna til tevatnsins og lokaði sjö útibúum í nóvember síðastliðnum vegna ítrekaðra brota keðjunnar. Alls gerði eftirlitið athugasemdir við 22 útibú Domino's í Danmörku í fyrra, flestar þeirra lutu að ruglingslegum dagsetningum á matvælum. Rétt er að taka fram að engin bein eignartengsl eru milli íslenska anga Domino's og þess danska. Danmörk Veitingastaðir Mest lesið „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Vilja rannsaka meint samráð með OPEC Viðskipti erlent „Ég nenni ekki að standa í einhverju veseni“ Atvinnulíf Nýjum alþjóðaflugvelli á Grænlandi seinkar enn Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Kann best við sig í háspennunni Samstarf Fleiri fréttir Vilja rannsaka meint samráð með OPEC Nýjum alþjóðaflugvelli á Grænlandi seinkar enn Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sjá meira
„Því miður er Domino's í Danmörku gjaldþrota og því er ekki lengur hægt að panta pizzur. Unnið er að lausn svo að það verði hægt aftur í framtíðinni.“ Þetta segir Politiken að heyrist þegar hringt er í símanúmer alþjóðlegu pizzukeðjunnar í Danmörku. Þar að auki liggur danska heimasíða Domino's niðri sem stendur. Pizzukeðjan hefur átt í vök að verjast síðastliðið hálft ár eftir afhjúpanir sjónvarpsþáttarins Operation X, sem sýndur var í september á TV2. Þar kom meðal annars fram að Domino's hafi notast við gamalt hráefni og falsaðar dagsetningar á matvælum. Þá var einnig minnst á rottugang og óþrifnað. Sjónvarpsþátturinn notaðist við flugumann sem sankaði að sér heimildum um misferli Domino's mánuðum saman. Þá var haft eftir vörumerkjasérfræðingnum Henrik Byager, sem Politiken vísar til, að augljóst væri að Domino's myndi missa traust viðskiptavina sinna. „Allir sem séð hafa sjónvarpsþáttinn og hafa í hyggju að panta sér pizzu á næstunni mun vafalaust velja eithvað annað. Það er ekki síst vegna þess að þetta er eitthvað sem við setjum í munninn sem það er gríðarlega mikilvægt fyrir keðjuna að öðlast aftur traust áður en Danir panta pizzu frá keðjunni aftur.“ Domino's hafði verið á fínu róli í Danmörku áður en sjónvarpsþátturinn var sýndur. Tekjur félagsins jukust um rúmlega fjórðung á milli ára og stefnan var sett á að opna hundraðasta útibúið í Danmörku í náinni framtíð. Danska heilbrigðiseftirlitið lét Domino's hins vegar finna til tevatnsins og lokaði sjö útibúum í nóvember síðastliðnum vegna ítrekaðra brota keðjunnar. Alls gerði eftirlitið athugasemdir við 22 útibú Domino's í Danmörku í fyrra, flestar þeirra lutu að ruglingslegum dagsetningum á matvælum. Rétt er að taka fram að engin bein eignartengsl eru milli íslenska anga Domino's og þess danska.
Danmörk Veitingastaðir Mest lesið „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Vilja rannsaka meint samráð með OPEC Viðskipti erlent „Ég nenni ekki að standa í einhverju veseni“ Atvinnulíf Nýjum alþjóðaflugvelli á Grænlandi seinkar enn Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Kann best við sig í háspennunni Samstarf Fleiri fréttir Vilja rannsaka meint samráð með OPEC Nýjum alþjóðaflugvelli á Grænlandi seinkar enn Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sjá meira