Þín eigin veisla Lára G. Sigurðardóttir skrifar 8. apríl 2019 07:00 Þú sérð ekki þessa gesti. Flestir launa þeir gestrisnina með því að hjálpa til við að melta matinn og verja þig fyrir skaðræðisseggnum C. difficile sem sendir gestgjafann óþægilega margar ferðir á salernið. Í meltingarveginum kallast gestirnir þarmaflóra. Áður fyrr héldu menn að þeir gegndu veigalitlu hlutverki en nú telja vísindamenn að þeir geti m.a. haft áhrif á líðan okkar og þyngd. Þegar hægðir músa sem borða mikið eru fluttar í þarma músa sem hafa enga þarmaflóru, þá verða mýsnar með nýju hægðirnar svengri og þyngjast. Og mýs sem fá hægðir úr alvarlega þunglyndum mönnum gefast fljótt upp þegar þær eru teknar upp á skottinu. Áður reyndu þær ákaft að flýja, sem mýs gera venjulega. Svo virðist sem gestirnir í þörmunum geti sent skeyti til heilans með taugafrumum sem liggja eins og hraðbraut milli þessara líffæra – skilaboðin geta verið að auka oxýtósín og serótónín sem eru gleðihormónin okkar. Nú eru menn ekki mýs en þessi vitneskja gefur okkur engu að síður innsýn í að þarmaflóran leikur mögulega hlutverk í heilsu okkar og líðan. Til að fjölga góðum gestum í þörmunum og úthýsa þessum óboðnu segja sérfræðingar við Harvard-háskóla að gott sé að borða reglulega sýrðan mat eins og jógúrt og súrsað grænmeti. Hollur óunninn matur laðar að góða gesti en skyndibiti er veisla fyrir skaðræðisseggi. Næst þegar þú sest til borðs skaltu hafa hugfast að þú ert ekki einungis að næra sjálfa(n) þig heldur ótal gesti og það sem er á disknum gefur tóninn fyrir partíið. Hverja viltu fá í veisluna? Viltu birta grein á Vísi? Sendu okkur póst. Senda grein Birtist í Fréttablaðinu Lára G. Sigurðardóttir Mest lesið Að þröngva lífsskoðun upp á annað fólk Sævar Þór Jónsson Skoðun Áform um að eyðileggja Ísland! Jóna Imsland Skoðun Hver erum við? Hvert stefnum við? Arnar Þór Jónsson Skoðun Kjarnorkuákvæði? Dagur B. Eggertsson Skoðun Í skugga virkjana, þegar náttúran fær ekki að tala: Hvammsvirkjun lamin í gegn með góðu og illu Gunnar Þór Jónsson,Svanborg R. Jónsdóttir Skoðun Fjármálalæsi í fríinu – fjárfesting sem endist lengur en sólbrúnkan! Íris Björk Hreinsdóttir Skoðun Samstarf er lykill að framtíðinni Magnús Þór Jónsson Skoðun Hvað hefur áunnist á 140 dögum? Heiða Björg Hilmisdóttir,Dóra Björt Guðjónsdóttir,Sanna Magdalena Mörtudóttir,Helga Þórðardóttir,Líf Magneudóttir Skoðun Hugtakið valdarán gengisfellt Hjörtur J. Guðmundsson Skoðun Mega blaðamenn ljúga? Páll Steingrímsson Skoðun
Þú sérð ekki þessa gesti. Flestir launa þeir gestrisnina með því að hjálpa til við að melta matinn og verja þig fyrir skaðræðisseggnum C. difficile sem sendir gestgjafann óþægilega margar ferðir á salernið. Í meltingarveginum kallast gestirnir þarmaflóra. Áður fyrr héldu menn að þeir gegndu veigalitlu hlutverki en nú telja vísindamenn að þeir geti m.a. haft áhrif á líðan okkar og þyngd. Þegar hægðir músa sem borða mikið eru fluttar í þarma músa sem hafa enga þarmaflóru, þá verða mýsnar með nýju hægðirnar svengri og þyngjast. Og mýs sem fá hægðir úr alvarlega þunglyndum mönnum gefast fljótt upp þegar þær eru teknar upp á skottinu. Áður reyndu þær ákaft að flýja, sem mýs gera venjulega. Svo virðist sem gestirnir í þörmunum geti sent skeyti til heilans með taugafrumum sem liggja eins og hraðbraut milli þessara líffæra – skilaboðin geta verið að auka oxýtósín og serótónín sem eru gleðihormónin okkar. Nú eru menn ekki mýs en þessi vitneskja gefur okkur engu að síður innsýn í að þarmaflóran leikur mögulega hlutverk í heilsu okkar og líðan. Til að fjölga góðum gestum í þörmunum og úthýsa þessum óboðnu segja sérfræðingar við Harvard-háskóla að gott sé að borða reglulega sýrðan mat eins og jógúrt og súrsað grænmeti. Hollur óunninn matur laðar að góða gesti en skyndibiti er veisla fyrir skaðræðisseggi. Næst þegar þú sest til borðs skaltu hafa hugfast að þú ert ekki einungis að næra sjálfa(n) þig heldur ótal gesti og það sem er á disknum gefur tóninn fyrir partíið. Hverja viltu fá í veisluna?
Í skugga virkjana, þegar náttúran fær ekki að tala: Hvammsvirkjun lamin í gegn með góðu og illu Gunnar Þór Jónsson,Svanborg R. Jónsdóttir Skoðun
Hvað hefur áunnist á 140 dögum? Heiða Björg Hilmisdóttir,Dóra Björt Guðjónsdóttir,Sanna Magdalena Mörtudóttir,Helga Þórðardóttir,Líf Magneudóttir Skoðun
Í skugga virkjana, þegar náttúran fær ekki að tala: Hvammsvirkjun lamin í gegn með góðu og illu Gunnar Þór Jónsson,Svanborg R. Jónsdóttir Skoðun
Hvað hefur áunnist á 140 dögum? Heiða Björg Hilmisdóttir,Dóra Björt Guðjónsdóttir,Sanna Magdalena Mörtudóttir,Helga Þórðardóttir,Líf Magneudóttir Skoðun