171 lax úr tveimur veiðistöðum við Ásgarð í Soginu

Veiðin í Soginu í sumar reyndist þegar upp var staðið vera nokkuð betri en margir áttu von á og það stefnir í enn betra sumar 2019.

Nú stefnir í að netin verði tekin upp þannig að laxinn kemst óhindrað upp í Sog, Stóru Laxá og aðrar ár á svæðinu.  Flestir telja þessa aðgerð löngu tímabæra og það verður því spennandi að sjá hvaða áhrif þetta mun hafa á veiðisvæðin sem tengjast Hvítá og þá sérstaklega Stóru Laxá og Sogið.

Sogið á sér marga unnendur sem taka þessum fregnum fagnandi.  Nú þegar veiðibækur eru skoðaðar sést að Sogið hefur aðeins tekið við sér en það á líka mikið inni.  Ásgarður er það svæði sem gaf flesta laxa í Soginu og veiðitölur úr veiðistöðum þar sýna sem fyrr að Ásgarðsbreiða og Frúarsteinn halda áfram að vera gjöfulustu staðirnir  Ásgarðsmegin enda sést á listanum hér fyrir neðan að þessir tveir staðir gáfi 171 lax saman.  Hér fyrir neðan er listinn yfir veiðistaðina og hvað hver staður gaf marga laxa.  Við hlökkum til að sjá þessar tölur hækkandi í framtíðinni og vitum sem er að unnendur Sogsins hlakka til góðra stunda við þessa fallegu á.

Ásgarðsbreiða - 89 laxar

Frúarsteinn - 82 laxar

Ármót - 22 laxar

Símastrengur - 19 laxar

Bátalón - 11 laxar

Hlíðin - 7 laxar

Gíbraltar - 5 laxar

Neðri Tangi - 3 laxar

Hvannhólmi - 2 laxar

Kvígutangi - 1 lax

Vatnsmælir - 1 lax

Miðtangi - 1 lax

Efri Tangi - 1 lax

Heildarveiði í Ásgarði - 264 laxar