Fyrsta fatalína Alexu Chung frumsýnd í kirkju

Breska fyrirsætan og fjölmiðlakonan Alexa Chung hefur oftar en einu sinni verið kosin ein af best klæddu konum heims og því kemur ekki á óvart að inn í henni hafi blundað löngun til a leggja fatahönnun fyrir sig. 

Hingað til hefur hún gert fatalínur í samstarfi við Marks & Spencer og AG Jeans en í gær frumsýndi hún sína fyrstu fatalínu undir eigin nafni og ef marka má þá tískumiðla sem voru á staðnum stóð línan undir væntingum. Klæðileg og töffaralegur hversdagsfatnaður sem endurspeglar persónulegan stíl Alexu.

Tískusýningin fór fram í kirkju í London með kór sem söng undir - mjög óvanalegt. Hér er smá brot af því besta frá fatalínunni.