Sundbolamerkið Swimslow frumsýnt

Erna Bergmann frumsýndi nýtt íslensk og sjálfbært sundafatamerki á HönnunarMars, Swimslow. Sýningin fór fram í Héðinshúsinu, í hráum umhverfi sem passaði fullkomlega fyrir sýninguna þar sem lítil sundlaug var meðal annars á tískupallinum.

Mr. Silla, tónlistarkona flutti tónlist við sýninguna en þar var Stefán Finnbogason, vöruhönnuður sem byggði sundlaugina. Fríða María Harðardóttir sá um að vera með yfirumsjón á hári og förðun ásamt teymi frá MAC en þeir sáu einnig um að vera með allar förðunarvörur á meðan hárvörurnar voru frá Davines á Íslandi. 

Sundbolir Swimslow eru hannaðir á Íslandi og framleiddir á Ítalíu úr endurunnum efnum. Þeir verða fáanlegir innan skamms á heimasíðu merkisins hér og í verslun Hildar Yeoman á Skólavörðustíg. Innan tískubransans hefur verið aukin meðvitund um umhverfisvæna framleiðslu og tískufyrirtæki eru sífellt að vinna að því að komast til móts við strangari umhverfiskröfur neytenda. „Efni sundbolanna og framleiðsla þeirra fer fram í sama héraði á Ítalíu með áherslu á lágmarks áhrif á umhverfið. Innblásturinn fékk ég úr reglulegum sundferðum í mína hverfislaug og heimsóknum í viðarsánuna,“ segir Erna.

Fjölmenni sá sýningu og skáluðu með hönnuðinum eftirá. Kíktu á myndirnar frá sýningunni og eftirpartýinu hér fyrir neðan. Ljósmyndir eftir Laimonas Dom Baranauskas.