Hverfisbúðin er andstæðan við stórmarkaði Guðný Hrönn skrifar 24. ágúst 2017 08:45 Davíð Þór Rúnarsson og Andrea Bergsdóttir standa vaktina í Hverfisbúðinni. Fréttablaðið/Anton Brink „Þetta er verslun sem er rekin án allrar þessarar gróðafíknar sem einkennt hefur verslunarbransann hérlendis,“ segir Davíð Þór Rúnarsson, sem var að opna nýja hverfisverslun í Grafarvogi ásamt kærustu sinni, Andreu Bergsdóttur. Búðin heitir Hverfisbúðin, staðsett í Hverafold 3 og í henni er lögð áhersla á persónulega þjónustu og sanngjarnt verð. „Ég er búinn að ganga með þessa hugmynd í kollinum í þrjú ár því mér hefur fundist vanta upp á þjónustustig í verslunum í dag,“ svarar Davíð spurður út í hvernig það kemur til að þau Andrea fóru út í verslunarrekstur. „Þetta er afturhvarf til fortíðar hvað varðar þjónustu, samskipti og annað. Mér finnst verslanir í dag leiðinlegar, fólk kvíðir bara þeim degi sem það þarf að fara að kaupa inn fyrir fjölskylduna. Það keyrir í umferðinni, fer inn í súpermarkað, ráfar þar á milli himinhárra rekka eins og villuráfandi sauðir. Það vantar alla upplifun í þetta, þetta er bara leiðinlegt og fólk verður stressað,“ segir Davíð sem lagði áherslu á að skapa notalegt umhverfi sem býður upp á allt aðra upplifun heldur en stórar matvöruverslanir. Davíð er ósáttur við þá stemningu sem hefur ríkt á markaðnum undanfarin ár.„Mér finnst íslenskir kaupmenn hafa verið að taka landsmenn í rassgatið. Ég sá það strax að ef ég myndi opna búð á þeim kjörum sem ég gat fengið, sem voru svo sannarlega ekki á pari við Bónus eða Krónuna til dæmis, gæti ég samt farið að keppa við Krónuna í verði. Svo kemur Costco inn á markaðinn og þá breyttist allt, þá fara allir að vanda sig voðalega mikið og þá sést hvað hefur í rauninni verið í gangi.“ Davíð segist hafa orðið var við það að fólk saknar þess að fá persónulega þjónustu þegar það kaupir inn fyrir heimilið. „Við t.d. röðum í poka fyrir viðskiptavini og gefum umhverfisvæna poka. Við ætlum ekkert að tvírukka kúnnann og reyna að búa til endalausan „business“, ekki nóg með að búðareigendur séu að selja kúnnanum matvörur þá er líka verið að fara út í pokabransa,“ segir Davíð, sem vinnur sjálfur á kassanum ásamt Andreu og fleira fólki. Aðspurður hvernig honum líður í þessu starfi, hvort hann hafi alltaf dreymt um að verða búðarmaður, þá skellir hann upp úr. „Ég get ekki sagt það. En mér finnst gaman að gera eitthvað nýtt og hef verið að fylgjast með þessum bransa á Íslandi. Ég fékk bara vont bragð í munninn þegar ég sá hvað var í gangi og mig langaði að sjá hvort ég gæti ekki gert þetta betur,“ útskýrir Davíð.Kúnnarnir móta verslunina Davíð segir rekstur Hverfisbúðarinnar fara vel af stað og fólkið í hverfinu virðist vera hrifið. „Við opnuðum dyrnar á föstudaginn seinasta með hálffulla búð. Við viljum nefnilega nýta þessa fyrstu viku í að bjóða fólki í heimsókn og fá það til að segja okkur hvað það vill hafa í búðinni sinni. Fólkið í hverfinu fær sem sagt tækifæri til að skapa sína hverfisbúð með okkur.“ „Þetta byrjaði með góðum reytingi og það hefur bara verið örtröð síðan þá. Það er greinilegt að fólki ofbýður það sem þessar tröllskessur sem hafa einokað markaðinn í gegnum tíðina eru búnar að vera að bjóða upp á, fólk fagnar nýjungum,“ segir Davíð spurður út í hvernig fyrstu dagarnir hafa verið. Að lokum, spurður út í verðlagið í Hverfisbúðinni, segir Davíð: „Ég get ekki keppt við stóru verslanirnar en þeir geta heldur ekki keppt við okkur og þjónustustigið sem við bjóðum upp á. Ég ákvað að vera betri í því og sanngjarnari í vöruverði heldur en þeir hafa verið.“ Birtist í Fréttablaðinu Mest lesið Fjórar dýrindis diskósúpur úr hráefnum sem annars hefði verið hent Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið „Ég dreg mig í hlé og fer bara og stofna kaffihús“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið „Kveiktum næstum í öllu sumarbústaðalandinu“ Lífið Una Torfadóttir með sína útgáfu af Bubbalagi frá 1998 Lífið Magnús Árni selur sögufrægt hús með kastalaturni Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira
„Þetta er verslun sem er rekin án allrar þessarar gróðafíknar sem einkennt hefur verslunarbransann hérlendis,“ segir Davíð Þór Rúnarsson, sem var að opna nýja hverfisverslun í Grafarvogi ásamt kærustu sinni, Andreu Bergsdóttur. Búðin heitir Hverfisbúðin, staðsett í Hverafold 3 og í henni er lögð áhersla á persónulega þjónustu og sanngjarnt verð. „Ég er búinn að ganga með þessa hugmynd í kollinum í þrjú ár því mér hefur fundist vanta upp á þjónustustig í verslunum í dag,“ svarar Davíð spurður út í hvernig það kemur til að þau Andrea fóru út í verslunarrekstur. „Þetta er afturhvarf til fortíðar hvað varðar þjónustu, samskipti og annað. Mér finnst verslanir í dag leiðinlegar, fólk kvíðir bara þeim degi sem það þarf að fara að kaupa inn fyrir fjölskylduna. Það keyrir í umferðinni, fer inn í súpermarkað, ráfar þar á milli himinhárra rekka eins og villuráfandi sauðir. Það vantar alla upplifun í þetta, þetta er bara leiðinlegt og fólk verður stressað,“ segir Davíð sem lagði áherslu á að skapa notalegt umhverfi sem býður upp á allt aðra upplifun heldur en stórar matvöruverslanir. Davíð er ósáttur við þá stemningu sem hefur ríkt á markaðnum undanfarin ár.„Mér finnst íslenskir kaupmenn hafa verið að taka landsmenn í rassgatið. Ég sá það strax að ef ég myndi opna búð á þeim kjörum sem ég gat fengið, sem voru svo sannarlega ekki á pari við Bónus eða Krónuna til dæmis, gæti ég samt farið að keppa við Krónuna í verði. Svo kemur Costco inn á markaðinn og þá breyttist allt, þá fara allir að vanda sig voðalega mikið og þá sést hvað hefur í rauninni verið í gangi.“ Davíð segist hafa orðið var við það að fólk saknar þess að fá persónulega þjónustu þegar það kaupir inn fyrir heimilið. „Við t.d. röðum í poka fyrir viðskiptavini og gefum umhverfisvæna poka. Við ætlum ekkert að tvírukka kúnnann og reyna að búa til endalausan „business“, ekki nóg með að búðareigendur séu að selja kúnnanum matvörur þá er líka verið að fara út í pokabransa,“ segir Davíð, sem vinnur sjálfur á kassanum ásamt Andreu og fleira fólki. Aðspurður hvernig honum líður í þessu starfi, hvort hann hafi alltaf dreymt um að verða búðarmaður, þá skellir hann upp úr. „Ég get ekki sagt það. En mér finnst gaman að gera eitthvað nýtt og hef verið að fylgjast með þessum bransa á Íslandi. Ég fékk bara vont bragð í munninn þegar ég sá hvað var í gangi og mig langaði að sjá hvort ég gæti ekki gert þetta betur,“ útskýrir Davíð.Kúnnarnir móta verslunina Davíð segir rekstur Hverfisbúðarinnar fara vel af stað og fólkið í hverfinu virðist vera hrifið. „Við opnuðum dyrnar á föstudaginn seinasta með hálffulla búð. Við viljum nefnilega nýta þessa fyrstu viku í að bjóða fólki í heimsókn og fá það til að segja okkur hvað það vill hafa í búðinni sinni. Fólkið í hverfinu fær sem sagt tækifæri til að skapa sína hverfisbúð með okkur.“ „Þetta byrjaði með góðum reytingi og það hefur bara verið örtröð síðan þá. Það er greinilegt að fólki ofbýður það sem þessar tröllskessur sem hafa einokað markaðinn í gegnum tíðina eru búnar að vera að bjóða upp á, fólk fagnar nýjungum,“ segir Davíð spurður út í hvernig fyrstu dagarnir hafa verið. Að lokum, spurður út í verðlagið í Hverfisbúðinni, segir Davíð: „Ég get ekki keppt við stóru verslanirnar en þeir geta heldur ekki keppt við okkur og þjónustustigið sem við bjóðum upp á. Ég ákvað að vera betri í því og sanngjarnari í vöruverði heldur en þeir hafa verið.“
Birtist í Fréttablaðinu Mest lesið Fjórar dýrindis diskósúpur úr hráefnum sem annars hefði verið hent Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið „Ég dreg mig í hlé og fer bara og stofna kaffihús“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið „Kveiktum næstum í öllu sumarbústaðalandinu“ Lífið Una Torfadóttir með sína útgáfu af Bubbalagi frá 1998 Lífið Magnús Árni selur sögufrægt hús með kastalaturni Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira