Víkingar í afmælisskapi Sigríður Inga Sigurðardóttir skrifar 11. ágúst 2017 11:00 Upphaflega var Rimmugýgur fyrst og fremst hugsað sem bardagafélag en í tímans rás hefur starfsemin þróast og snýst núna líka um handverk, bogfimi, tónlist og fræðslu. MYND/ÞORSTEINN R. INGÓLFSSON Víkingafélagið Rimmugýgur fagnar 20 ára afmæli með veglegri víkingahátíð um helgina. Bardagasýningar, handverksmarkaður, víkingaskóli barnanna, bogfimi og tónlist eru á meðal þess sem verður á dagskránni. „Við ætlum að setja upp víkingahátíð og leika okkur á Víðistaðatúninu í Hafnarfirði í tilefni þessara tímamóta. Þar verða ýmsar óvæntar uppákomur, auk þess sem hægt verður að fræðast um lifnaðarhætti víkinga og fylgjast með þeim í leik og starfi. Erlendir víkingar eru á leið til landsins og ætla að vera með okkur á hátíðinni en allir eru velkomnir og gaman væri að sjá sem flesta,“ segir Hafsteinn Kúld Pétursson, jarl Rimmugýgjar, sem er elsta og stærsta starfandi víkingafélag landsins.Bogfimi er snar þáttur í starfsemi Rimmugýgjar. MYND/ÞORSTEINN R. INGÓLFSSONTvö hundruð víkingarHafsteinn er einn stofnfélaga Rimmugýgjar en fyrir tveimur áratugum komu saman átta vinir í þeim tilgangi að stofna víkingafélag. Það hefur vaxið og dafnað síðan þá og hefur nú um tvö hundruð félaga. „Þetta byrjaði allt með Iðju, víkingahátíð sem var haldin árið 1995 í Hafnarfirði. Fljótlega eftir hana fórum við vinirnir að velta fyrir okkur hvort það væri grundvöllur fyrir víkingafélagi hér á landi. Tveimur árum síðar, sumarið 1997, létum við slag standa og stofnuðum Rimmugýgi formlega. Til að byrja með var Rimmugýgur fyrst og fremst hugsað sem bardagafélag en í tímans rás hefur starfsemin þróast og snýst núna líka um handverk, bogfimi, tónlist og fræðslu. Innan Rimmugýgjar er fólk sem hefur mikla þekkingu á handverki og hefur deilt henni með öðrum. Þetta handverk á rætur sínar að rekja til tíma víkinga og felst einna helst í vefnaði og vattarsaumi. Víkingarnir prjónuðu ekki á sama hátt og gert er í dag heldur notuðu saumspor sem kallast vattarsaumur eða nálbinding en þá er prjónað með einni nál,“ upplýsir Hafsteinn en hann hefur alla tíð verið áhugasamur um víkinga og lifnaðarhætti þeirra. „Afi minn vakti áhuga minn á þessum fornu köppum. Íslendingasögurnar voru honum hugleiknar og hann kunni margar þeirra utanbókar. Hann sagði mér þessar sögur þegar ég var lítill og út frá þeim þróaðist þessi áhugi á víkingunum,“ rifjar Hafsteinn upp en öxin Rimmugýgur kemur fyrir í Njálu og merkir bardagatröll.Um helgina verður heljarinnar víkingahátíð á Víðistaðatúni. MYND/ERNIRVíkingar á ferð og flugiFrá vori og fram á haust ferðast félagar Rimmugýgjar á milli víkingahátíða á Norðurlöndunum og allt austur til Póllands, auk þess að heimsækja innlendar víkingahátíðir. Vetrarstarfsemin fer bráðlega í gang og hvetur Hafsteinn alla áhugasama til að mæta í klúbbhúsið Straum í Hafnarfirði sem er opið alla laugardaga yfir vetrartímann. „Í vetur verður þétt dagskrá hjá okkur nær alla daga vikunnar. Við æfum bardagalistir í bílakjallaranum undir verslunarmiðstöðinni Firði tvö kvöld í viku. Þar er frábær aðstaða og mikil stemning í ætt við kvikmyndina Highlander. Við gerum þá kröfu að bardagamenn séu orðnir 16 ára og þegar þeir hafa náð 18 ára aldri mega þeir taka þátt í bardagasýningum á vegum félagsins. Við erum með um fjörutíu bogmenn á okkar vegum sem æfa í Bogfimisetrinu og svo erum við með kór sem samanstendur af hæfileikaríku söng- og tónlistarfólki. Það er því mikið félagslíf í Rimmugýgi og mikið um að vera,“ segir Hafsteinn sem býst við mikilli stemningu á Víðistaðatúni um helgina. Afmælishátíðin á Víðistaðatúni hefst klukkan 13 bæði laugardag og sunnudag og stendur fram eftir degi. Allir eru velkomnir og aðgangseyrir er enginn. Mest lesið Allir halda stjörnu og OTO fær viðurkenningu Matur Forsetaáskorunin: „Fóru Bandaríkjamenn í raun til tunglsins?“ Lífið Bíða eftir pizzu og potti eftir milljón króna göngu Lífið Bjöggi Takefusa og Sólveig nefna dótturina Lífið Stjörnulífið: „Tvær klámkerlingar á kynfræðiráðstefnu“ Lífið Elísa Viðars og Rasmus nefndu soninn Lífið Forsetaáskorunin: Hefur aldrei lent í slagsmálum Lífið Af vængjum fram: „Aldrei“ notað fíkniefni og er alls ekki með nein húðflúr Lífið Fór á sveitaball og keypti kálfa á klósettinu Lífið „Það er aldeilis ekki sjálfsagt að hafa heilsu“ Lífið Fleiri fréttir Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Kosningalag: Örþrifaráð eða snilldarútspil? Forsetaáskorunin: Hefur aldrei lent í slagsmálum Brauðtertuveisla í brauðtertusamkeppni á Selfossi Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sjá meira
Víkingafélagið Rimmugýgur fagnar 20 ára afmæli með veglegri víkingahátíð um helgina. Bardagasýningar, handverksmarkaður, víkingaskóli barnanna, bogfimi og tónlist eru á meðal þess sem verður á dagskránni. „Við ætlum að setja upp víkingahátíð og leika okkur á Víðistaðatúninu í Hafnarfirði í tilefni þessara tímamóta. Þar verða ýmsar óvæntar uppákomur, auk þess sem hægt verður að fræðast um lifnaðarhætti víkinga og fylgjast með þeim í leik og starfi. Erlendir víkingar eru á leið til landsins og ætla að vera með okkur á hátíðinni en allir eru velkomnir og gaman væri að sjá sem flesta,“ segir Hafsteinn Kúld Pétursson, jarl Rimmugýgjar, sem er elsta og stærsta starfandi víkingafélag landsins.Bogfimi er snar þáttur í starfsemi Rimmugýgjar. MYND/ÞORSTEINN R. INGÓLFSSONTvö hundruð víkingarHafsteinn er einn stofnfélaga Rimmugýgjar en fyrir tveimur áratugum komu saman átta vinir í þeim tilgangi að stofna víkingafélag. Það hefur vaxið og dafnað síðan þá og hefur nú um tvö hundruð félaga. „Þetta byrjaði allt með Iðju, víkingahátíð sem var haldin árið 1995 í Hafnarfirði. Fljótlega eftir hana fórum við vinirnir að velta fyrir okkur hvort það væri grundvöllur fyrir víkingafélagi hér á landi. Tveimur árum síðar, sumarið 1997, létum við slag standa og stofnuðum Rimmugýgi formlega. Til að byrja með var Rimmugýgur fyrst og fremst hugsað sem bardagafélag en í tímans rás hefur starfsemin þróast og snýst núna líka um handverk, bogfimi, tónlist og fræðslu. Innan Rimmugýgjar er fólk sem hefur mikla þekkingu á handverki og hefur deilt henni með öðrum. Þetta handverk á rætur sínar að rekja til tíma víkinga og felst einna helst í vefnaði og vattarsaumi. Víkingarnir prjónuðu ekki á sama hátt og gert er í dag heldur notuðu saumspor sem kallast vattarsaumur eða nálbinding en þá er prjónað með einni nál,“ upplýsir Hafsteinn en hann hefur alla tíð verið áhugasamur um víkinga og lifnaðarhætti þeirra. „Afi minn vakti áhuga minn á þessum fornu köppum. Íslendingasögurnar voru honum hugleiknar og hann kunni margar þeirra utanbókar. Hann sagði mér þessar sögur þegar ég var lítill og út frá þeim þróaðist þessi áhugi á víkingunum,“ rifjar Hafsteinn upp en öxin Rimmugýgur kemur fyrir í Njálu og merkir bardagatröll.Um helgina verður heljarinnar víkingahátíð á Víðistaðatúni. MYND/ERNIRVíkingar á ferð og flugiFrá vori og fram á haust ferðast félagar Rimmugýgjar á milli víkingahátíða á Norðurlöndunum og allt austur til Póllands, auk þess að heimsækja innlendar víkingahátíðir. Vetrarstarfsemin fer bráðlega í gang og hvetur Hafsteinn alla áhugasama til að mæta í klúbbhúsið Straum í Hafnarfirði sem er opið alla laugardaga yfir vetrartímann. „Í vetur verður þétt dagskrá hjá okkur nær alla daga vikunnar. Við æfum bardagalistir í bílakjallaranum undir verslunarmiðstöðinni Firði tvö kvöld í viku. Þar er frábær aðstaða og mikil stemning í ætt við kvikmyndina Highlander. Við gerum þá kröfu að bardagamenn séu orðnir 16 ára og þegar þeir hafa náð 18 ára aldri mega þeir taka þátt í bardagasýningum á vegum félagsins. Við erum með um fjörutíu bogmenn á okkar vegum sem æfa í Bogfimisetrinu og svo erum við með kór sem samanstendur af hæfileikaríku söng- og tónlistarfólki. Það er því mikið félagslíf í Rimmugýgi og mikið um að vera,“ segir Hafsteinn sem býst við mikilli stemningu á Víðistaðatúni um helgina. Afmælishátíðin á Víðistaðatúni hefst klukkan 13 bæði laugardag og sunnudag og stendur fram eftir degi. Allir eru velkomnir og aðgangseyrir er enginn.
Mest lesið Allir halda stjörnu og OTO fær viðurkenningu Matur Forsetaáskorunin: „Fóru Bandaríkjamenn í raun til tunglsins?“ Lífið Bíða eftir pizzu og potti eftir milljón króna göngu Lífið Bjöggi Takefusa og Sólveig nefna dótturina Lífið Stjörnulífið: „Tvær klámkerlingar á kynfræðiráðstefnu“ Lífið Elísa Viðars og Rasmus nefndu soninn Lífið Forsetaáskorunin: Hefur aldrei lent í slagsmálum Lífið Af vængjum fram: „Aldrei“ notað fíkniefni og er alls ekki með nein húðflúr Lífið Fór á sveitaball og keypti kálfa á klósettinu Lífið „Það er aldeilis ekki sjálfsagt að hafa heilsu“ Lífið Fleiri fréttir Bíða eftir pizzu og potti eftir milljón króna göngu Forsetaáskorunin: „Fóru Bandaríkjamenn í raun til tunglsins?“ Fór á sveitaball og keypti kálfa á klósettinu Bjöggi Takefusa og Sólveig nefna dótturina Elísa Viðars og Rasmus nefndu soninn Stjörnulífið: „Tvær klámkerlingar á kynfræðiráðstefnu“ Kate Beckinsale lætur tröllin heyra það Edda Falak á von á dreng Af vængjum fram: „Aldrei“ notað fíkniefni og er alls ekki með nein húðflúr „Það er aldeilis ekki sjálfsagt að hafa heilsu“ Springsteen aflýsir nokkrum tónleikum af heilsufarsástæðum Kosningalag: Örþrifaráð eða snilldarútspil? Forsetaáskorunin: Hefur aldrei lent í slagsmálum Brauðtertuveisla í brauðtertusamkeppni á Selfossi Skönnuðu Aldísi frá toppi til táar og gleymdu ekki tönnunum Fer fótgangandi tæpa 800 kílómetra Krakkatían: Ljón, líffæri og landafræði Af vængjum fram: Ekki viss um að hann myndi þekkja lyktina af hassi Millie Bobby Brown og sonur Bon Jovi orðin hjón Forsetaáskorunin: Lærbraut sig út í móa og beið lengi eftir aðstoð Ganga 111 kílómetra til styrktar börnum í Gasa Fréttatía vikunnar: Forsetakosningar, ókyrrð og kisur Af vængjum fram: „Ég er að breytast í dreka hérna með þér“ Heimsóttu 160 battavelli á átta dögum Forsetaáskorunin: Innbrotsþjófurinn reyndist vera mamman Stofutónleikar Bubba og Víkings Heiðars til stuðnings Katrínu „Parkinn er þannig að hann étur menn upp ef þeir ekki hreyfa sig“ Sitt sýnist hverjum um nýja mynd af Katrínu Binni Glee hrundi til jarðar í Köben Eitt mesta átvagl sögunnar hætt að keppa: „Ekki lengur svangur“ Sjá meira