Airwaves dressið er klárt!

Airwaves tónlistarhátíðin byrjar formlega á morgun, og við erum að gera okkur tilbúnar fyrir skemmtunina. Dressið verður klárlega að vera tilbúið, en það getur verið nokkuð snúið að klæða sig fyrir hátíðina. 

Skórnir verða að vera þægilegir, því maður gengur og stendur mikið. Háu hælarnir verða því eftir heima og ætlum við frekar að velja þægilega strigaskó í staðinn. 

Yfirhöfnin verður að vera hlý, og kemur gerviloðspels sterkur inn hjá okkur.

Hitt má leika sér með, en oft vill maður vera fínn til fara og vera í partýgírnum. 

Glamour verður með nokkur dress dagsins á meðan hátíðinni stendur. Góða skemmtun!

Toppurinn er frá Zöru og kostar 4.595 krónur.

Buxurnar eru frá Zöru og kosta 4.995 krónur.

Skórnir eru frá Fenty Puma og fást í Húrra Reykjavík. Þeir kosta 19.990 krónur.

Sokkarnir fást í Geysi og eru frá Beck Söndergaard, þeir kosta 990 krónur.

Pelsinn er frá Sand og fæst í Mathilda, hann kostar 69.990 krónur.