2000 afmælisgestir

Það var sannkölluð afmælisstemning í sýningarsölum Mitsubishi þegar blásið var til 100 ára afmælisveislu japanska bílaframleiðandans síðasta laugardag. Mikill fjöldi gesta lagði leið sína á Laugaveginn til að gæða sér á afmælisköku og kaffi og skoða úrvalið af bílum.

Til sýnis voru allir nýir bílar Mitsubishi sem hafa verið á sérstöku afmælistilboði á árinu og slegið aldeilis í gegn. Sá vinsælasti, Mitsubishi Outlander PHEV, hefur selst í 410 eintökum það sem af er árs og óhætt er að kalla hann smell ársins, enda er hann vinsælasti tengiltvinnbíllinn á Íslandi 2016 og 2017. En það voru fleiri sem vöktu athygli í afmælisveislunni því eftirlíking af fyrsta bíl Mitsubishi, Model A sem kom á markað árið 1917, laðaði að sér ungu kynslóðina sem lét mynda sig í bak og fyrir með þessum sögufræga bíl.

„Þetta var sérstaklega ánægjulegur dagur og gaman hversu margir sáu sér fært að fagna deginum með okkur,“ segir Úlfar Kjartansson nýbakaður sölustjóri Mitsubishi sem fékk þann heiður að skera fyrstu sneiðina af risastórri afmæliskökunni. „Það var stöðugur straumur gesta allan daginn og við gerum ráð fyrir að um 2000 manns hafi komið í heimsókn. Það vildi líka svo skemmtilega til að samdægurs fengum við sendingu af nýrri útgáfu Outlander PHEV, sem kallast Invite + svo það var nóg að skoða,“ segir Úlfar.