Adidas Originals x Alexander Wang: Draumur hjólreiðamannsins

Auglýsingaherferð Adidas Originals x Alexander Wang leit dagsins ljós á dögunum. Þetta er í annað skipti sem þessi tískuhús vinna saman fatalínu, en Alexander Wang hefur lengi verið þekktur fyrir sterkan götu- og íþróttalegan stíl. 

Þessi lína er draumur hjólreiðamannsins, en hún inniheldur hjólagalla, þröngar hjólabuxur og lambhúshettur. Skærgulur og svargrár eru litirnir sem eru hvað mest áberandi í línunni, og er hægt að fá jogging-galla í þeim litum. Nýir strigaskór eru einnig kynntir til sögunnar, en þeir heita Adidas AW Hike Lo, og koma þeir í grænu og skærbleiku.

Línan er komin í búðir í New York, en kemur formlega í búðir um allan heim þann 5. ágúst næstkomandi.