Lífið

Árslaunin opinberuð í skilnaðarpappírum

Lilja Katrín Gunnarsdóttir skrifar
Casey er með um þrjár og hálfa milljón á mánuði í laun.
Casey er með um þrjár og hálfa milljón á mánuði í laun. Vísir / Getty Images
Leikarinn og leikstjórinn Casey Affleck og fyrrverandi eiginkona hans, leikkonan Summer Phoenix, sóttu um skilnað í lok júlí á þessu ári eftir tæplega tíu ára hjónaband.

 Í skilnaðarpappírunum eru árslaun leikarans opinberuð en hann þénar fjögur hundruð þúsund dollara á ári, tæpar 42 milljónir króna. 

 „Casey og Summer skilja í góðu. Þau eru enn góðir vinir,“ sagði í yfirlýsingu frá hjónunum fyrrverandi þegar skilnaðurinn var gerður opinber.

Summer og Casey þegar allt lék í lyndi.Vísir / Getty Images
Summer, sem er yngri systir leikarans Joaquin Phoenix, gekk að eiga Casey árið 2006. Þau eiga tvo drengi saman, Indiana, þrettán ára, og Atticus, níu ára. 

 Casey hlaut verðlaun sem besti leikari á Golden Globe-hátíðinni í ár fyrir hlutverk sitt í kvikmyndinni Manchester By the Sea. Í þakkarræðu sinni þakkaði hann Summer fyrir stuðninginn.

 „Ég elska ykkur Indiana og Atticus. Takk kærlega fyrir. Og til móður þeirra sem gaf mér hverja einustu góðu leiklistarhugmynd sem ég hef fengið. Þakka þér kærlega fyrir það, ég elska þig.“



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.