Beckham brýtur internetið: Morgunhlaup í himinháum hælum

Hin hæfileikaríka Victoria Beckham sló heldur betur í gegn á Instagram í morgun þegar hún birti mynd af sér hlaupandi í háum hælum og skræpóttum samfesting.

„Morgunhlaupið!“ skrifar Victoria einfaldlega við myndina, en líkað hefur verið við hana rúmlega 330 þúsund sinnum þegar þetta er skrifað.

Aðdáendur kryddpíunnar eru hæstánægðir með þetta athæfi hennar og þykir mörgum þessi mynd eiga heima í hátískutímariti.

Victoria birtir myndina í kjölfar fregna þess efnis að hún væri að hefja samstarf við íþróttavörurisann Reebok. Það gæti því vel verið að við ættum von á línu af hlaupaskóm með himinháum hælum. Hver veit?

Morning run! x VB #ReebokxVictoriaBeckham

A post shared by Victoria Beckham (@victoriabeckham) on Nov 9, 2017 at 4:01am PST