Árið núll Guðmundur Steingrímsson skrifar 3. október 2017 07:00 Það eru ákveðin rök fyrir því að Íslendingar ættu að hætta að miða tímatal sitt við fæðingu Krists og miða frekar við komu Costco. Við erum þá að upplifa árið núll eftir Costco. (Eða árið eitt, ef menn vilja taka það rifrildi). Í samfélagi fákeppninnar hefur koma Costco valdið ævintýralegum straumhvörfum. Í fyrsta lagi. Ég tók til í búrinu þegar Costco kom. Ég veit að margir aðrir gerðu það líka. Vörurnar þurfa sitt pláss. Costco hefur þannig haft jákvæð áhrif á skipulag heimila og þroskað rýmisgreind. Í öðru lagi. Staða heimilisins varðandi klósettpappír hefur aldrei verið betri. Þetta hefur góð áhrif á heimilislífið. Fólk er rólegra. Í þriðja lagi. Stærð innkaupakarfanna í Costco elur Íslendingum auðmýkt. Þær eru svo stórar að manni finnst maður hafa minnkað. Eins er snjallt að láta stærstu flatskjáina vera það fyrsta sem mætir manni þegar maður kemur inn. Þá er maður endanlega eins og Hobbiti. Það er okkur öllum hollt. Í fjórða lagi. Með Costco kom urmull af nýjum umræðuefnum, sem er kærkomið í fásinninu. Í stað þess að tala um Sigmund Davíð er hægt að tala um það hvað jarðarberin eru rosaleg eða afmæliskökurnar ódýrar eða hvort fólk hafi smakkað túnfiskinn. Í fimmta lagi. Ég hjó eftir því að yfirmaður Costco sagði að verslunin væri að vinna með bændum að því að bæta nautakjötið. Takið eftir þessu: VINNA MEÐ?! Þetta er ótrúlegt. Íslendingar hafa hingað til annaðhvort rifist við bændur eða rifist um bændur. Aldrei unnið með. Þetta er nýtt. Það er spurning hvort það sé ástæða til að prófa þetta líka með banka og tryggingafélög. Nei, ég segi svona. Höfundur er pistlahöfundur Fréttablaðsins. Viltu birta grein á Vísi? Sendu okkur póst. Senda grein Birtist í Fréttablaðinu Guðmundur Steingrímsson Skoðun Mest lesið Lesblindir og stuðningur í skólum Snævar Ívarsson Skoðun Skýr stefna um málfrelsi Róbert H. Haraldsson Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun Framtíð nemenda í Kópavogi í fyrsta sæti Halla Björg Evans Skoðun Olíuleit á Drekasvæði - tilvistarleit Halldór Reynisson Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun Nú þarf að gyrða sig í brók Gunnlaugur Stefánsson Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir Skoðun
Það eru ákveðin rök fyrir því að Íslendingar ættu að hætta að miða tímatal sitt við fæðingu Krists og miða frekar við komu Costco. Við erum þá að upplifa árið núll eftir Costco. (Eða árið eitt, ef menn vilja taka það rifrildi). Í samfélagi fákeppninnar hefur koma Costco valdið ævintýralegum straumhvörfum. Í fyrsta lagi. Ég tók til í búrinu þegar Costco kom. Ég veit að margir aðrir gerðu það líka. Vörurnar þurfa sitt pláss. Costco hefur þannig haft jákvæð áhrif á skipulag heimila og þroskað rýmisgreind. Í öðru lagi. Staða heimilisins varðandi klósettpappír hefur aldrei verið betri. Þetta hefur góð áhrif á heimilislífið. Fólk er rólegra. Í þriðja lagi. Stærð innkaupakarfanna í Costco elur Íslendingum auðmýkt. Þær eru svo stórar að manni finnst maður hafa minnkað. Eins er snjallt að láta stærstu flatskjáina vera það fyrsta sem mætir manni þegar maður kemur inn. Þá er maður endanlega eins og Hobbiti. Það er okkur öllum hollt. Í fjórða lagi. Með Costco kom urmull af nýjum umræðuefnum, sem er kærkomið í fásinninu. Í stað þess að tala um Sigmund Davíð er hægt að tala um það hvað jarðarberin eru rosaleg eða afmæliskökurnar ódýrar eða hvort fólk hafi smakkað túnfiskinn. Í fimmta lagi. Ég hjó eftir því að yfirmaður Costco sagði að verslunin væri að vinna með bændum að því að bæta nautakjötið. Takið eftir þessu: VINNA MEÐ?! Þetta er ótrúlegt. Íslendingar hafa hingað til annaðhvort rifist við bændur eða rifist um bændur. Aldrei unnið með. Þetta er nýtt. Það er spurning hvort það sé ástæða til að prófa þetta líka með banka og tryggingafélög. Nei, ég segi svona. Höfundur er pistlahöfundur Fréttablaðsins.
Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun