Agent Fresco á leið í tónleikaferðalag um Evrópu

Hljómsveitin Agent Fresco hefur legið í dvala undanfarna mánuði að undirbúa sína næstu breiðskífu og hefur ekki haldið tónleika hér á höfuðborgarsvæðinu síðan í lok síðasta árs.

Einnig hafa þeir tekið þátt í margvíslegum verkefnum í sitt hvoru lagi bæði hérlendis og utan landsteinana. Þeir verða með þrenna tónleika á Íslandi nú í byrjun október áður en þeir halda í stórt tónleikaferðalag um Evrópu.

Sveitin mun ferðast með Leprous frá Noregi og verða tónleikarnir alls 33 talsins. Á tónleikunum leikur sveitin öll sín bestu og vinsælustu lög ásamt því að gestir gætu fengið að heyra eitthvað nýtt sem er í vinnslu.

Tónleikarnir á Íslandi eru eftirfarandi:

5. október í Bæjarbíó Hafnarfirði

6. október á Græna Hattinum Akureyri

7. október Valaskjálf Egilsstöðum

Forsala miða er á tix.is.