Leiðir skilja hjá Rachel Bilson og Hayden Christensen

Stjörnuparið Rachel Bilson og Hayden Christensen eru hætt saman eftir tíu ára samband. E Online! greinir frá þessu.

Rachel og Hayden kynntust árið 2007 á setti kvikmyndarinnar Jumper. Þau trúlofuðu sig árið 2008 en hættu saman um mitt ár 2010. Nokkrum mánuðum síðar byrjuðu þau svo saman á nýjan leik. Saman eiga þau eina dóttur, Briar Rose, sem fæddist árið 2014.

Christensen er hvað þekktastur fyrir leik sinn í Star Wars-myndunum en Bilson komst á kortið eftir leik sinn í unglingasápunni OC. Eftir sambandsslitin búa þau nú á sitthvorum staðnum, Christensen í Toronto í Kanada en Bilson í Los Angeles.