Páll Óskar verður í rándýrum búningi á stórtónleikunum

Páll Óskar Hjálmtýsson stendur fyrir stórtónleikum í Laugardalshöllinni þann 16. september.

Þar mun hann syngja öll bestu lög ferils síns frá 1991 til 2017 ásamt fimm manna hljómsveit í bland við raftónlistina og fullt af dönsurum. Sviðið verður sérsmíðað inn í Laugardalshöllina. Ekkert verður til sparað í búningum og allri listrænni umgjörð.

Páll Óskar sýnir glænýjan búning á Facebook-síðu sinni og mun hann vera í honum á tónleikunum. Um er að ræða engan smá búning og er hann af dýrari gerðinni. Það var Coco Viktorsson sem hannaði þennan bleika og stórglæsilega búning sem sjá má hér að neðan.