Glamour

Jennifer Berg: Risarækjur, heimagerðir kjúklinganaggar og guðdómlegur marens

Jennifer Berg skrifar
Myndir/Jennifer
Nú er föstudagur, öll helgin framundan sem gaman er að eyða í að gera vel við sig í mat.    Glamourkokkurinn okkar Jennifer Berg býður hér upp á heimagerða kjúklinganagga, sætkartöflufranskar, jógúrtsósu, risarækjur og guðdómlegan marens.

Eitthvað sem ætti að láta jafnt unga sem aldna fá vatn í munninn. Upp með svuntuna og prófum okkur áfram í eldhúsinu.

 

GRILLAÐAR RISA- RÆKJUR Í CHILI OG HVÍTLAUKS MARINERINGU

Innihald:

(fyrir 4)

500 g risarækjur

Marinering:

1⁄2 sítróna, börkur og safi

2⁄3 dl ólífuolía

2 msk. hvítvínsedik

1⁄2 rauður chilipipar, fræhreinsaður og fínhakkaður 3 hvítlauksgeirar, pressaðir 2 msk. hökkuð steinselja

2 msk. hakkaður kóríander Salt og pipar

12 grillpinnar og vatn

Leiðbeiningar:

1. Látið grillpinnana liggja í vatni á meðan marineringin er undirbúin.

2. Leggið öll hráefnin fyrir marineringuna í skál og blandið saman.

3. Takið grillpinnana og setjið 4-5 rækjur á hvern pinna.

4. Leggið í grunnaskál o ghellið nánast allri marineringunni yfir rækjurnar.

5. Leggið plastfilmu yfir skálina og leggið inn í ísskáp í 20-30 mínútur.

6. Takið rækjurnar út úr ísskápnum og hitið upp grillið.

7. Grillið rækjurnar í 3-4mínútur á hvorri hlið eða þangað til þær hafa fengið fínan lit.

8. Hellið

 

Heimagerðir kjúklinganaggar með sætkartöflufrönskum og jógúrt kryddjurtasósu

Innihald

(fyrir 4)

Kjúklinganaggar

800 g kjúklingalundir

2 egg

2 dl hveiti

2 dl brauðrasp

2 tsk. ítalskt jurtakrydd

2 msk. steikingarolía

Salt og pipar

Sætkartöflufranskar

2 sætar kartöflur

3 msk. ólífuolía

3 msk. kartöflumjöl

Salt og pipar

Jógúrt kryddjurtasósa

250 g grísk jógúrt

3 msk. ferskur sítrónusafi 2 msk. hakkaður graslaukur 2 msk. hökkuð steinselja 2 msk. hakkaður kóríander 1 msk. hökkuð mynta Salt og pipar

Leiðbeiningar

  1. Kjúklinganaggar: Hitið ofninn í 180 gráður og leggið bökunarpappír á ofnskúffu.

  2. Takið fram tvo diska og eina skál. Hrærið eggin saman í skálinni. Setjið brauðraspið á annan diskinn en hveitið, salt, pipar og ítalska kryddið á hinn.

  3. Saltið og piprið kjúklinginn. Takið nokkrar kjúklingalundir í einu og veltið upp úr hveitinu. Dýfið þeim svo ofan í eggin og að lokum veltið þeim upp úr brauðraspinu.

  1. Leggið kjúklingalundirnar á bökunarpappírinn og eldið í ofni í um 15 mínútur. (Á meðan er gott að undirbúa sætkartöflufrönskurnar).

  2. Áður en kjúklingalundirnar eru bornar fram, steikið þær í olíu í 1-2 mínútur eða þangað til þær eru orðnar gullinbrúnar.

  3. Sætkartöflufranskar: Hitið ofninn í 225 gráður og leggið bökunarpappír á ofnskúffu. Skolið af sætu kartöflunum og skerið þær í strimla.

  4. Leggið kartöflurnar í skál, bætið við ólífuolíu og salti og pipar og blandið öllu saman.

8. Bætið kartöflumjölinu saman við kartöflurnar og blandið saman með höndunum.

9. Leggið kartöflurnar á bökunarpappír og bakið í ofninum í 20-30 mínútur.

10. Kryddjurtasósa: Blandið öllum hráefnunum saman í skál og berið fram.

 

Fullkomin terta með marens



Innihald

 

(fyrir 8-10)

Svampbotn

75 g smjörlíki, við stofuhita 2 dl flórsykur

5 eggjarauður

11⁄2 dl hveiti

11⁄2 tsk. lyftiduft

4 msk. mjólk

Marens

5 eggjahvítur

2 dl sykur

1 dl möndluflögur

Fylling

5 dl rjómi

1⁄2 dl sykur

3 dl afþídd hindber



Leiðbeiningar

  1. Svampbotn: Hitið ofninn í 180 gráður, stillið hann á blástur.

  2. Byrjið á svampbotninum. Leggið bökunarpappír á ofnskúffu eða í stórt eldfast mót (30 x 40 cm), smyrjið bökunarpappírinn með smá smjöri.

  3. Blandið smjörinu og flórsykrinum saman í hrærivél, þangað til áferðin er orðin mjúk.

  4. Hrærið einu eggi í einu saman við deigið.

  5. Blandið saman hveitinu og lyftiduftinu og hrærið síðan saman við deigið og að því loknu bætið þið mjólkinni við.

  6. Leggið deigið á bökunarpappírinn og fletjið út með sleikju svo að deigið sé jafnt.

  7. Marens: Hrærið saman eggjahvíturnar með helmingnum af sykrinum fyrst en bætið svo við restinni og hrærið þangað til marensinn er orðinn stífur.

  8. Smyrjið marensinum yfir allan svampbotninn. Stráið svo möndluflögunum yfir marensinn.

  9. Bakið í neðri hluta ofnsins í um 20 mínútur.

  10. Takið tertuna út úr ofninum og látið kólna.

11. Fylling: Hrærið saman rjómanum og sykrinum og blandið síðan hindberjunum saman við.

12. Skiptið tertunni í tvennt. Leggið annan hlutann á diskinn sem þið ætlið að bera tertuna fram á og látið marensinn snúa upp. Smyrjið hindberjarjómanum ofan á tertuna og leggið síðan hinn helminginn af tertunni ofan á svo að úr verði samloka. Skreytið kökuna með meira af berjum ef þið viljið.

Berið kökuna fram og njótið!

Þessar uppskriftir birtust fyrst í júlí/ágústblaði Glamour. Öll hráefni í uppskriftir Jennifer má finna í Krónunni!

 

 

 
 
 






Velkomin á Vísi. Þessi vefur notar vafrakökur. Sjá nánar.