Lag Hinsegin daga er algjör Euro-popp Disney bomba

Daníel Arnarsson og Hólmar Hólm mættu í Bítið á Bylgjunni í morgun og ræddu um lag Hinsegin daga.

„Hinsegin daga lagið í ár er bara rosalega hresst og skemmtilegt Europopp,“ segir Daníel sem heimtaði að fá að gera lagið í ár.

Það er Örlygur Smári sem samdi og útsetti lagið og vildi Daníel engan annan í verkið þar sem Örlygur hefur gert öll hans uppáhalds lög. Það var Hólmar Hólm sem samdi textann við lagið.

„Ég er afskaplega ánægður með lokaafurðina frá Örlygi,“ segir Daníel. Lagið var frumflutt á Bylgjunni í morgun og má hlusta á viðtalið við drengina og lagið sjálft hér að neðan.