Friðarfulltrúar Íslands heiðraðir í Höfða

Það er gott að fá hugmyndir frá ykkur um það sem við getum gert betur.“ Þetta sagði Eliza Reid forsetafrú þegar hún tók við skilaboðum til eiginmanns síns frá fyrstu friðarfulltrúum landsins, eins og unglingarnir voru titlaðir sem útskrifuðst í Höfða, friðarsetri, í gær eftir sumarnámskeið sem Höfði, borgin og HÍ sameinuðust um.

Einnig tóku Jón Atli Benediktsson, rektor HÍ og Líf Magneudóttir, forseti borgarstjórnar, við ábendingum um atriði sem þessir umboðsmenn friðar töldu til bóta. Meðal þess sem þar var á blaði voru hugmyndir um gróðurhús fyrir stúdenta svo fleiri gætu ræktað plöntur og að frímínúturnar í skólum yrðu gerðar lengri.

„Markmiðið er að efla friðarfræðslu meðal ungs fólks og auka tengsl barna á milli. Við völdum inn börn með alíslenskan bakgrunn yfir í börn sem eiga erlenda foreldra og komu til landsins í vetur. Vonum að öll upplifi sig ríkari af því að skilja aðra menningu en þá sem þau eiga að venjast og læra fleiri tungumál.“

Áður höfðu Jón Atli og Líf afhent hverju og einu ungmenni heiðursskjal og á eftir var boðið til veislu. Yfir veitingunum voru nokkur barnanna spurð hvað hefði staðið upp úr á námskeiðinu.

„Að búa til hús og skólagarð úr kössum og spila skotbolta,“ svaraði Martina.

„Að skrifa bréf með einni ósk frá hverju fyrir sig,“ svaraði Óli Matti.

„Örugglega leikirnir. Ég kynntist fólki sem ég þekkti ekkert áður,“ svaraði Jóhann.

„Við lærðum mikið um frið og umhverfið og lékum okkur úti,“ svaraði Tomas.

„Við fræddumst fullt um frið og náttúruna. Sumt vissi ég ekki áður en ég ætla að muna það,“ sagði Sigurborg.

Auður Örlygsdóttir var ein leiðbeinenda. „Upphaflega var hugmyndin um sumarbúðir í Viðey, hún þróaðist  yfir í friðarnámskeið í Fellaskóla og nágrenni en við förum út í Viðey í dag,“ lýsir hún og heldur áfram.

Áður höfðu Jón Atli og Líf afhent hverju og einu ungmenni heiðursskjal og á eftir var boðið til veislu. Yfir veitingunum voru nokkur barnanna spurð hvað hefði staðið upp úr á námskeiðinu.

„Að búa til hús og skólagarð úr kössum og spila skotbolta,“ svaraði Martina.

„Að skrifa bréf með einni ósk frá hverju fyrir sig,“ svaraði Óli Matti.

„Örugglega leikirnir. Ég kynntist fólki sem ég þekkti ekkert áður,“ svaraði Jóhann.

„Við lærðum mikið um frið og umhverfið og lékum okkur úti,“ svaraði Tomas.

„Við fræddumst fullt um frið og náttúruna. Sumt vissi ég ekki áður en ég ætla að muna það,“ sagði Sigurborg.

Auður Örlygsdóttir var ein leiðbeinenda. „Upphaflega var hugmyndin um sumarbúðir í Viðey, hún þróaðist  yfir í friðarnámskeið í Fellaskóla og nágrenni en við förum út í Viðey í dag,“ lýsir hún og heldur áfram.