Draumur gömlu sálarinnar stendur í Vesturbænum

Við Vesturgötu í gamla Vesturbænum stendur 156 fermetra þrílyft einbýlishús sem reist var árið 1904.

Húsið er nú til sölu en á fasteignavef Vísis er því lýst sem bárujárnsklæddu, 8 herbergja og á besta stað í borginni. Það hefur verið mikið endurnýjað og var það til að mynda flutt á steyptan grunn árið 1980.

Því fylgir einkastæði og sérinngangur í kjallara sem hægt væri að breyta í bílskúr. Því fylgir einkastæði og sérinngangur í kjallara sem hægt væri að breyta í bílskúr.

Eftirfarandi lýsingu má finna á fasteignavefnum:



Hæð

Á aðalhæð er eldhús og borðsstofa sem hafa verið sameinuð, tvær stofur og gestasnyrting. Hæðin er björt og góð lofthæð, stórir gluggar og upphaflegur panell á veggjum. Viðargólfborð, gólflistar og rósettur fyrir ljósakrónur. Annarri stofunni er hægt að loka með franskri hurð. Búið er að opna á milli eldhúss og borðstofu og eldhúsinnrétting nýlega endurnýjuð. Frá borðstofu er gengið út á rúmgóðan sólpall og þaðan út í fallegan garð. Garðurinn er sameiginlegur með Vesturgötu 27, vel afgirtur, skjólgóður og sólríkur.

 

Ris

Frá aðalhæð er gengið upp stiga í ris sem er mjög bjart. Þar er eitt barnaherbergi og stærra svefnherbergi með góðum skápum. Hol er nýtt sem barnaherbergi í dag en væri einnig upplagt sem fjölskyldurými eða vinnuherbergi. Inn af svefnherbergi er rúmgott baðherbergi með baðkari.

 

Kjallari

Í kjallara eru tvö rúmgóð herbergi, hol sem er nýtt sem sjónvarpshol í dag, baðherbergi með sturtu og þvottahús. Kjallari var steyptur 1980, er í góðu standi og með fullri lofthæð. Léttir milliveggir. Í kjallara er sérinngangur og auðvelt að breyta í séríbúð.

Uppsett verð er 87,9 milljónir og nánari upplýsingar, sem og fleiri myndir, má nálgast hér.