Sóknarþungi leggst á varnarmúr Benedikt Bóas skrifar 3. júní 2017 13:00 Ronaldo hefur skorað 103 mörk í 138 Meistaradeildarleikjum þar af sjö þrennur. Þar af eru 52 mörk í útsláttarkeppninni. Juventus er hins vegar ekki mikið fyrir að fá mörk á sig. vísir/epa/epa Gianluca Buffon, markvörður Juventus, getur orðið elsti sigurvegari í Meistaradeildinni fagni Juventus sigri. Buffon hefur aðeins þurft að hirða boltann þrisvar sinnum úr netinu hjá sér það sem af er Meistaradeildinni. Það er ótrúlegt afrek. Til að komast í úrslitin hló Juventus að sóknarleik Barcelona og þar áður að Mónakó. Ekkert lið hafði vogað sér að brosa yfir því að þurfa að mæta þessum tveimur liðum. Og nú tekst þetta stórkostlega varnarlið á við sóknarlínu Real Madrid sem hefur raðað inn heilum 32 mörkum. Það fór því kaldur hrollur um stuðningsmenn Juventus þegar Buffon gamli æfði ekki á mánudag. Buffon leið eitthvað illa og ákvað að fara í sjúkraþjálfun. Hann hefur reyndar æft vel síðan og sagði í vikunni að líkaminn og hugur væru í lagi. Góðvinur hans, Alessandro del Piero, sagði í vikunni að Buffon væri með þennan bikar á heilanum. Hann væri sá eini sem vantaði í bikarasafn Buffon. „Svona leikir vinnast á smáatriðum. Stór nöfn geta gert út um leiki eins og Dybala, Ronaldo, Higuain og auðvitað Buffon. Hann þráir ekkert heitar en að vinna þennan leik,“ sagði Del Piero við Marca. Hann ræddi þar einnig um samband sitt við Zinedine Zidane, þjálfara Real Madrid, sem eins og flestir vita var leikmaður Juventus hér í gamla daga. Síðan Zidane settist í sjóðheitt þjálfarasæti hjá Real Madrid hefur hann skilað deildartitli, Meistaradeildartitli, Ofurbikar Evrópu og unnið HM félagsliða. Zidane lærði sína iðn sem aðstoðarmaður góðvinar síns Carlos Ancelotti og auðvitað Marcelos Lippi. Zidane gaf sínum leikmönnum helgarfrí um síðustu helgi og hóf svo undirbúning. Hafi einhver efast um hversu granítharður þjálfari Zidane væri þá mátti glitta í þá hörðu hlið í vikunni. „Á miðvikudag, bak við luktar dyr munum við byrja að fínpússa undirbúning okkar,“ sagði hann á blaðamannafundi. Hann var frekar þurr á manninn og gaf lítið upp. Bað hann fjölmiðlamenn svo að vera fljóta að ganga frá eftir sig – annars myndu þeir sjá eftir því. Zidane bað leikmenn sína að tala aðeins um úrslitaleikinn og Juventus í aðdraganda leiksins. Ekkert annað. Samningaviðræður hafa verið settar á ís við allt og alla og bað þjálfarinn leikmenn að virða það. Eftir leikinn væri nægur tími til að hafa gaman og skvetta í síg ærlegum sigurlaunum og ræða um framtíðina. Til að fá móralinn í lag bauð hann leikmönnum og fjölskyldum þeirra í mat á veitingastaðnum Mallorca þar sem kjöt og fiskur var í boði. Allir fóru heim með gjafir og börn leikmanna fengu sérstakar Real Madrid treyjur. „Ég vil vera hér áfram og ég held að félagið sé sama sinnis. Ég er bara að einbeita mér að laugardeginum og engu öðru. Ég spilaði í fimm ár með Juventus og á dásamlegar minningar þaðan en ég einbeiti mér að því að vinna þennan titil fyrir Real Madrid,“ sagði Zidane á blaðamannafundinum. Zidane getur orðið fyrsti þjálfarinn sem vinnur Meistaradeildina tvö ár í röð.Cardiff er ekki stór borg eða fjölmenn. En völlurinn er glæsilegur og hefur áður hýst úrslitaleiki sem hafa heppnast mjög vel. Reyndar er það svo að það lið sem hefur verið í heimaliðsklefanum hefur alltaf unnið þessa úrslitaleiki eða í 11 skipti. Þak verður sett yfir völlinn og er það gert vegna öryggisráðstafana. Það hefur aldrei áður verið gert. Um 170 þúsund stuðningsmenn eru mættir og ljóst að ekki eru allir með miða en völlurinn tekur 74 þúsund manns. Eðlilega er gríðarleg öryggisgæsla á vellinum og í kringum hann og þeir sem eiga miða eru hvattir til að vera komnir inn á völlinn tveimur klukkustundum fyrir upphafsspyrnuna. Öryggisleitin mun taka einhvern tíma sagði í tilkynningu velska knattspyrnusambandsins. Reyndar hefur verið gagnrýnt að leikurinn fari fram í Cardiff því hótel eru af skornum skammti, almenningssamgöngur strjálar og flestir stuðningsmenn þurfa að fljúga frá Birmingham eða Bristol sem eins og flestir vita er töluverður spotti frá Cardiff. Innanvallar er þó allt í blóma. „Vörnin vinnur titla,“ segir einhvers staðar og vörn Juventus hefur verið stórkostleg allt tímabilið með gamla Buffon í markinu. Mögulega á það aldrei jafn vel við og nú. Mun sóknarleik Real Madrid takast að brjóta varnarmúrinn á bak aftur? Stórt er spurt og mun svarið koma í ljós þegar Þjóðverjinn Felix Brych blæs lokaflautið í Meistaradeildinni þetta árið. Birtist í Fréttablaðinu Mest lesið Fann gamlan vin í leit sinni að nýju og breyttu lífi Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Annað ljótt brot á Caitlin Clark orðið að fjölmiðlafári Körfubolti Eru að reyna að kaupa kærustuparið Enski boltinn Einn óvæntasti sigur EM staðreynd Fótbolti Njarðvík yfirgefur Ljónagryfjuna og fær nýjan heimavöll afhentan í sumar Körfubolti Norðurlandamethafinn útskrifuð með BS gráðu í læknisfræði Sport Frábær mörk og óvæntur stórsigur Rúmena á Úkraínumönnum Fótbolti Mbappé með ákall til kjósenda í Frakklandi Fótbolti Neffati um Íslandsævintýrið: Grófur fótbolti í íslensku deildinni Íslenski boltinn Fleiri fréttir Í beinni: Austurríki-Frakkland | Mbappé mætir til leiks Einn óvæntasti sigur EM staðreynd Man City sagt ekki ætla að styrkja sig með nýjum leikmönnum Sjáðu mörkin þegar Rúmenar léku sér að Íslandsbönunum Missti af útskriftinni sinni af því að hún var of upptekin við að vinna leik Frábær mörk og óvæntur stórsigur Rúmena á Úkraínumönnum Mbappé með ákall til kjósenda í Frakklandi Sagður vilja losna frá Napoli en félagið segir nei Kossaskandall Rubiales ekki fyrir rétt fyrr en í febrúar Neffati um Íslandsævintýrið: Grófur fótbolti í íslensku deildinni Sjáðu Öglu skora úr horni, sjálfsmark sem bjargaði stigi og markaveislu Vals UEFA gerir allt til þess að rússneski fáninn sjáist ekki í dag Eru að reyna að kaupa kærustuparið Bellingham talaði um sig í þriðju persónu eftir leik: Sjáðu sigurmarkið Ten Hag: Ekkert leyndarmál að aðrir komu til greina en sá besti var nú þegar í starfinu Vonarstjarna Bayern München framlengir við félagið Barcelona tók titlafernu og fór taplaust í gegnum tímabilið Bellingham skoraði eina markið í sigri Englands gegn Serbíu „Ég veit ekki alveg hvernig það gerðist en ég var glöð að sjá boltann syngja í netinu“ „Auðvitað ekkert ánægður að fá bara eitt stig en þetta var frábær leikur“ Íslandsmeistararnir unnu öruggt gegn nýliðunum Ljóðræn endurkoma Eriksen en Slóvenar unnu sig til baka og sóttu stig Tindastóll-Víkingur 1-1 | Jafntefli niðurstaðan fyrir norðan eftir spennandi lokamínútur „Vilja öll lið verða fyrsta liðið til að taka af okkur stig“ „Vitum að Agla er markagráðug en ég held hún hafi ekki verið að reyna þetta“ „Ég virðist ekkert vera að reyna að skora þessa dagana“ Uppgjör: Breiðablik-Þróttur 3-0 | Toppliðið keyrði yfir botnliðið í seinni hálfleik Hlín skoraði en klikkaði svo úr víti og Rosengard er enn með fullt hús stiga Holland lenti undir en varamaðurinn Wout Weghorst kom til bjargar Segir Ronaldinho hafa beðið um miða á leiki Brasilíu Sjá meira
Gianluca Buffon, markvörður Juventus, getur orðið elsti sigurvegari í Meistaradeildinni fagni Juventus sigri. Buffon hefur aðeins þurft að hirða boltann þrisvar sinnum úr netinu hjá sér það sem af er Meistaradeildinni. Það er ótrúlegt afrek. Til að komast í úrslitin hló Juventus að sóknarleik Barcelona og þar áður að Mónakó. Ekkert lið hafði vogað sér að brosa yfir því að þurfa að mæta þessum tveimur liðum. Og nú tekst þetta stórkostlega varnarlið á við sóknarlínu Real Madrid sem hefur raðað inn heilum 32 mörkum. Það fór því kaldur hrollur um stuðningsmenn Juventus þegar Buffon gamli æfði ekki á mánudag. Buffon leið eitthvað illa og ákvað að fara í sjúkraþjálfun. Hann hefur reyndar æft vel síðan og sagði í vikunni að líkaminn og hugur væru í lagi. Góðvinur hans, Alessandro del Piero, sagði í vikunni að Buffon væri með þennan bikar á heilanum. Hann væri sá eini sem vantaði í bikarasafn Buffon. „Svona leikir vinnast á smáatriðum. Stór nöfn geta gert út um leiki eins og Dybala, Ronaldo, Higuain og auðvitað Buffon. Hann þráir ekkert heitar en að vinna þennan leik,“ sagði Del Piero við Marca. Hann ræddi þar einnig um samband sitt við Zinedine Zidane, þjálfara Real Madrid, sem eins og flestir vita var leikmaður Juventus hér í gamla daga. Síðan Zidane settist í sjóðheitt þjálfarasæti hjá Real Madrid hefur hann skilað deildartitli, Meistaradeildartitli, Ofurbikar Evrópu og unnið HM félagsliða. Zidane lærði sína iðn sem aðstoðarmaður góðvinar síns Carlos Ancelotti og auðvitað Marcelos Lippi. Zidane gaf sínum leikmönnum helgarfrí um síðustu helgi og hóf svo undirbúning. Hafi einhver efast um hversu granítharður þjálfari Zidane væri þá mátti glitta í þá hörðu hlið í vikunni. „Á miðvikudag, bak við luktar dyr munum við byrja að fínpússa undirbúning okkar,“ sagði hann á blaðamannafundi. Hann var frekar þurr á manninn og gaf lítið upp. Bað hann fjölmiðlamenn svo að vera fljóta að ganga frá eftir sig – annars myndu þeir sjá eftir því. Zidane bað leikmenn sína að tala aðeins um úrslitaleikinn og Juventus í aðdraganda leiksins. Ekkert annað. Samningaviðræður hafa verið settar á ís við allt og alla og bað þjálfarinn leikmenn að virða það. Eftir leikinn væri nægur tími til að hafa gaman og skvetta í síg ærlegum sigurlaunum og ræða um framtíðina. Til að fá móralinn í lag bauð hann leikmönnum og fjölskyldum þeirra í mat á veitingastaðnum Mallorca þar sem kjöt og fiskur var í boði. Allir fóru heim með gjafir og börn leikmanna fengu sérstakar Real Madrid treyjur. „Ég vil vera hér áfram og ég held að félagið sé sama sinnis. Ég er bara að einbeita mér að laugardeginum og engu öðru. Ég spilaði í fimm ár með Juventus og á dásamlegar minningar þaðan en ég einbeiti mér að því að vinna þennan titil fyrir Real Madrid,“ sagði Zidane á blaðamannafundinum. Zidane getur orðið fyrsti þjálfarinn sem vinnur Meistaradeildina tvö ár í röð.Cardiff er ekki stór borg eða fjölmenn. En völlurinn er glæsilegur og hefur áður hýst úrslitaleiki sem hafa heppnast mjög vel. Reyndar er það svo að það lið sem hefur verið í heimaliðsklefanum hefur alltaf unnið þessa úrslitaleiki eða í 11 skipti. Þak verður sett yfir völlinn og er það gert vegna öryggisráðstafana. Það hefur aldrei áður verið gert. Um 170 þúsund stuðningsmenn eru mættir og ljóst að ekki eru allir með miða en völlurinn tekur 74 þúsund manns. Eðlilega er gríðarleg öryggisgæsla á vellinum og í kringum hann og þeir sem eiga miða eru hvattir til að vera komnir inn á völlinn tveimur klukkustundum fyrir upphafsspyrnuna. Öryggisleitin mun taka einhvern tíma sagði í tilkynningu velska knattspyrnusambandsins. Reyndar hefur verið gagnrýnt að leikurinn fari fram í Cardiff því hótel eru af skornum skammti, almenningssamgöngur strjálar og flestir stuðningsmenn þurfa að fljúga frá Birmingham eða Bristol sem eins og flestir vita er töluverður spotti frá Cardiff. Innanvallar er þó allt í blóma. „Vörnin vinnur titla,“ segir einhvers staðar og vörn Juventus hefur verið stórkostleg allt tímabilið með gamla Buffon í markinu. Mögulega á það aldrei jafn vel við og nú. Mun sóknarleik Real Madrid takast að brjóta varnarmúrinn á bak aftur? Stórt er spurt og mun svarið koma í ljós þegar Þjóðverjinn Felix Brych blæs lokaflautið í Meistaradeildinni þetta árið.
Birtist í Fréttablaðinu Mest lesið Fann gamlan vin í leit sinni að nýju og breyttu lífi Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Annað ljótt brot á Caitlin Clark orðið að fjölmiðlafári Körfubolti Eru að reyna að kaupa kærustuparið Enski boltinn Einn óvæntasti sigur EM staðreynd Fótbolti Njarðvík yfirgefur Ljónagryfjuna og fær nýjan heimavöll afhentan í sumar Körfubolti Norðurlandamethafinn útskrifuð með BS gráðu í læknisfræði Sport Frábær mörk og óvæntur stórsigur Rúmena á Úkraínumönnum Fótbolti Mbappé með ákall til kjósenda í Frakklandi Fótbolti Neffati um Íslandsævintýrið: Grófur fótbolti í íslensku deildinni Íslenski boltinn Fleiri fréttir Í beinni: Austurríki-Frakkland | Mbappé mætir til leiks Einn óvæntasti sigur EM staðreynd Man City sagt ekki ætla að styrkja sig með nýjum leikmönnum Sjáðu mörkin þegar Rúmenar léku sér að Íslandsbönunum Missti af útskriftinni sinni af því að hún var of upptekin við að vinna leik Frábær mörk og óvæntur stórsigur Rúmena á Úkraínumönnum Mbappé með ákall til kjósenda í Frakklandi Sagður vilja losna frá Napoli en félagið segir nei Kossaskandall Rubiales ekki fyrir rétt fyrr en í febrúar Neffati um Íslandsævintýrið: Grófur fótbolti í íslensku deildinni Sjáðu Öglu skora úr horni, sjálfsmark sem bjargaði stigi og markaveislu Vals UEFA gerir allt til þess að rússneski fáninn sjáist ekki í dag Eru að reyna að kaupa kærustuparið Bellingham talaði um sig í þriðju persónu eftir leik: Sjáðu sigurmarkið Ten Hag: Ekkert leyndarmál að aðrir komu til greina en sá besti var nú þegar í starfinu Vonarstjarna Bayern München framlengir við félagið Barcelona tók titlafernu og fór taplaust í gegnum tímabilið Bellingham skoraði eina markið í sigri Englands gegn Serbíu „Ég veit ekki alveg hvernig það gerðist en ég var glöð að sjá boltann syngja í netinu“ „Auðvitað ekkert ánægður að fá bara eitt stig en þetta var frábær leikur“ Íslandsmeistararnir unnu öruggt gegn nýliðunum Ljóðræn endurkoma Eriksen en Slóvenar unnu sig til baka og sóttu stig Tindastóll-Víkingur 1-1 | Jafntefli niðurstaðan fyrir norðan eftir spennandi lokamínútur „Vilja öll lið verða fyrsta liðið til að taka af okkur stig“ „Vitum að Agla er markagráðug en ég held hún hafi ekki verið að reyna þetta“ „Ég virðist ekkert vera að reyna að skora þessa dagana“ Uppgjör: Breiðablik-Þróttur 3-0 | Toppliðið keyrði yfir botnliðið í seinni hálfleik Hlín skoraði en klikkaði svo úr víti og Rosengard er enn með fullt hús stiga Holland lenti undir en varamaðurinn Wout Weghorst kom til bjargar Segir Ronaldinho hafa beðið um miða á leiki Brasilíu Sjá meira