Heimildarmynd um ævi Heath Ledger í bígerð

Heimildarmynd um ævi leikarans Heath Ledger verður frumsýnd seinna í mánuðinum. Heath var orðinn einn ástsælasti leikari Hollywood þegar hann lést árið 2008, þá aðeins 28 ára gamall. Heimildarmyndin mun bera heitið I am Heath Ledger.

Í myndinni eru viðtöl við nánustu fjölskyldu hans og vini. Þau segja sögur frá lífi Heath og hverjir draumar hans fyrir framtíðina voru. 

Heath lést eftir að hafa tekið óvart of stóran skammt af lyfseðilskyldum lyfjum. Hann skilur eftir sig dótturina Matilda Ledger, sem hann átti með leikkonunni Michelle Williams.