Margmenni á frumsýningu Elly

Á laugardagskvöldið var leiksýningin Elly frumsýnd í Borgarleikhúsinu en sýningin hefur fengið frábærar viðtökur hér á landi.

Verkið fjallar um söngkonuna Elly Vilhjálms bjó yfir óræðri dulúð og töfraði marga með söng sínum og leiftrandi persónuleika.

Hún var á sínum tíma vinsælasta söngkona þjóðarinnar. Söngurinn var fágaður, túlkunin hógvær og ígrunduð, röddin silkimjúk og hlý.  En líf hennar varð stundum efni í sögusagnir og slúður sem hún hirti lítið um að svara því Elly var dul og forðaðist sviðsljós fjölmiðlanna.

Með aðalhlutverk í sýningunni fara þau Katrín Halldóra Sigurðardóttir, Björgvin Franz Gíslason, Björn Stefánsson, Hjörtur Jóhann Jónsson og Katla Margrét Þorgeirsdóttir en það er Gísli Örn Garðarsson sem leikstýrir verkinu.

Hér að neðan má sjá skemmtilegar myndir frá frumsýningunni.